Accessibility links

Кайнар хәбәр

Tabibne nigä ütergännär?


Tabibne nigä ütergännär?

İnde xäbär itkänebezçä, küptän tügel Qazanda şähär psixonevrologik xastäxänäseneñ baş tabibı Röstäm Xalitov atıp üterelgän ide. Vaxitov rayon prokuraturası wäkile äytüweçä, şuşı könnärdä üterügä bäyle dip isäplängän ike keşe inde totqarlanğan da. Qayber mäğlümätlärgä qarağanda, bu faciğäneñ säbäbe mondıy ikän. Xalitov baş tabib bulıp eşlägän psixonevrologik xastäxänädä törle cinäyät qıluçılarnıñ psixik xäläten tikşerüçe komissiä eşlägän. Törle kriminal' törkemnär şuşı komissiäneñ eşçänlegenä yoğıntı yasarğa tırışıp, xastäxänäneñ tabibların üz yaqlarına awdarırğa tırışqannar ikän. Baş tabib şuşı xaqta belep alğan häm moña qomaçawlarğa tırışqan. İmeş, Röstäm Xalitovnı näq menä şunıñ öçen ütergännär ikän. Läkin bu äle imeş-mimeşlär genä. Cinäyätne tikşerüçelär älegä bu xaqta bernindi dä mäğlümätlär taratmadılar. Eşneñ çınlıqta närsädä buluın, tikşerenülär tämamlanğaç qına tögäl itep äytep bulaçaq. Ä menä Täteş rayonında tärtip bozuçılarğa yäştän ük tärbiyäwi çaralar kürergä tırışalar. Şuşı könnärdä 10 balanı Qazannıñ tärbiä koloniäsenä häm tikşerü izolyatorına ekskursiägä alıp barğannar. Balalarğa anda tulğan kameralarnı, salqın karsernı kürsätkännär, saq astındağı tormış belän tanıştırğannar. Şuşı çaranı oyıştıruçılarnıñ fikerençä, totqınnarnıñ köndälek tormışı belän tanış balalar, kiläçäktä mondıy şartlarğa eläkmäs öçen, cinäyät qıluğa da barmasqa tieşlär.
XS
SM
MD
LG