Accessibility links

пәнҗешәмбе, 8 декабрь 2016, Казан вакыты 19:06

Salawat – İnternetta


Salawat – İnternetta

Xäbärlärneñ axırında - küñelleräk yañalıq. Avgust Qazanda Salawat ayı dip sanala. Küpyıllıq ğädät buyınça, näq menä şuşı ayda tanılğan cırçı tamaşaçılarğa üzeneñ yaña programmasın täqdim itä. Bıyıl anıñ konsertları 8 avgustta başlanıp, 25 avgustqa qädär däwam itäçäk. Salawat här yılnı üzeneñ konsertlarına berär yañalıq östi. Bıyıl da şulay bulıp çıqtı. 21 avgust könne berençe märtäbä anıñ konsertın turıdan-turı İnternet aşa tamaşa qılırğa mömkin. Salawatnı Ğäliäskär Kamal isemendäge teatrnıñ yaña ğına açılğan säxifäsendä tıñlap bulaçaq. Anıñ adresı http://www.kamaltat.ru Säxifä älegä eşlämi, läkin anı yasawçılar süzlärenä qarağanda, Salawat konsertları başlanğanda säxifäne äzerläw eşläre inde tämamlanaçaq. Konsertlarğa elägä almağan yäki Qazannan yıraqta yäşägän Salawatnıñ icatın yaratuçılar üzläreneñ kumirların İnternetta kürä häm işetä alalar. Tağın ber yañalıq. 19 avgust könne Salawat matbuğat oçraşuwı ütkäräçäk.. Läkin aña sorawlarnı jurnalistlar ğına tügel, ä barlıq telägän keşelär birä alaçaq. Bu oçraqta da yärdämgä İnternet kilä. Barlıq teläwçelär İntertat.ru säxifäsenä kerep, Salawatqa telägän sorawların yazıp qaldıra ala. Oyıştıruçılar äytüençä, inde 60-lap soraw cırçını kötä dä ikän. Şulay itep, Salawat, anıñ icatı belän qızıqsınuçı häm, älbättä inde, İnternetqa totaşırğa mömkinlege bar keşe 19 avgust könne İntertat.ru, ä 21 avgust könne - kamaltat.ru säxifälärenä räxim itegez. «Azatlıq» radiosı öçen Tatarstan xäbärläre belän Qazannan Gölnaz İlgizär.
XS
SM
MD
LG