Accessibility links

сишәмбе, 6 декабрь 2016, Казан вакыты 15:17

Mäktäp tämamlağanda medal aluçılarnıñ öçtän ber öleşe genä yuğarı uqu yotlarına kergändä berençe imtixannı iñ yuğarı bilgegä birä


Mäktäp tämamlağanda medal aluçılarnıñ öçtän ber öleşe genä yuğarı uqu yotlarına kergändä berençe imtixannı iñ yuğarı bilgegä birä

Yal itüneñ iñ qızu könnäre citkäç tä, säyäsi tormış tınıp qalmıy. Keşelärneñ küpçelege baqçada ciläk çüpläw belän şöğellängändä, Qazannıñ yuğarı mäktäplärendä imtixannar qızıp bara. Äytkänebezçä, Qazan universitetınıñ jurnalistika fakultetında konkurs 1 urınğa 10 keşe, Kama politexnika institutında – 12 keşegä dä citä ikän. Bu formal sannar buyınça. Ä bit şul isäptän qayber abiturientlar maxsus kurslar tämamlap, aldanraq imtixan birgännär. Bik küplär mäktäpne medal belän tämämlağannar häm ber genä imtixan birä alalar. Yış qına medalistlar üzläreneñ altın başlı buluların raslıy almıy. Tögäl itep äytkändä, medal aluçılarnıñ öçtän ber öleşe genä berençe imtixannı iñ yuğarı bilgegä birälär. Ä qayberläre – bötenläy nadan, imeş. Anıñ qarawı, medal' almasalar da, bik yaxşı belem kürsätkännäre maxsus test ütkännän soñ studentlıqqa srogınnan alda kertelälär. İnde menä şundıy şaqqatırğıç belemlelär, student biletları da aldılar. Finans-iqtisad institutına uqırğa kerüçe Çallı qızı Gölnaz Wälievağa tieşle 22 sorawnı birüçe uqıtuçılar şaqqatqannar. Yuğarı matematikanı, başqa fännärne bik siräk studentlar häm aspirantlar kebek belä ikän. Ul üze mäktäpne medal'gä tämamlanmağan, şulay da Qazan finans-iqtisad institutı rektorı Nail Xäyrullin moña qädär bilgesez bulğan Wälievanı üz kabinetına çaqırıp, anıñ belän täfsille söyläşep, student biletı ğına tügel, maxsus büläk tä tapşırğan. İmtixannar ciñel tügel, torğan sayın ğadi awıl balalarına, aqçasızlarğa uqırğa kerü qıyınlaşuı turında da äytmi bulmıy.
XS
SM
MD
LG