Accessibility links

шимбә, 10 декабрь 2016, Казан вакыты 06:17

Mäskäw professorı Mixail Guboglo Rusiädä xalıq sanın aluda çinovniklar başbaştaqlığın tänqitläp çıqtı


Mäskäw professorı Mixail Guboglo Rusiädä xalıq sanın aluda çinovniklar başbaştaqlığın tänqitläp çıqtı

Közge xalıq sanın alu aksiäse yaqınlaşqan sayın da Rusiädä millätlär, alarnıñ mädäniätläre, yazmışı xaqında soraw bilgese qalınaya, üsä bara. İnde xäbär itkänebezçä, “Независимая газета”nıñ düşämbe sanında tarix fännäre doktorı Mixail Ğuboglo Rusiä çinovniklarınıñ tağın ber başbaştaqlığı turında yazıp çıqtı. Eş şunda ki, anketalardan tuğan tel turında grafa töşerep qaldırıla ikän. Ğuboglo 1989 yılğı xalıq sanın alğan waqıtta Sovetlar Berlegendäge rus bulmagan xalıq wäkilläreneñ 29 % tuğan tele itep milläte telen kürsätmägän bulğan, di. Başqortlarnıñ 73% tuğan tele itep başqort telen kürsätkän, 10% - rus telen, 17% - tatar telen. Ägär dä aldağı xalıq sanın aluda törle xalıqlarnıñ tuğan telen isäpkä almasalar, alarnıñ qayberläreneñ, mäsälän, başqortlarnıñ sanı nigezsez arttırılaçaq, ä tatarlar sanı şunıñça kimeteläçäk. Bu, qotılğısız, ike kürşe respublika häm federal' üzäk arasında qarşılıqlar kiterep çığaraçaq, dip yaza Mäskäw professorı Mixail Ğuboglo.
XS
SM
MD
LG