Accessibility links

шимбә, 10 декабрь 2016, Казан вакыты 12:04

Qazanda araqı bäyäse töşä.


Qazanda araqı bäyäse töşä.

Tatarstan xalqı öçen bügen bäyräm dip äytergä yaramasa da, araqı bäyäseneñ töşüe keşelär öçen hiçşiksez küñelle xäbär buldı. Ale küptän tügel genä «Tatspirtprom» oyışması 9 zavodında citeşterüne tuqtatuı turında iğlan itte. Bu şirkätne üzgärtep qoru planı belän bäyle tügel, barı tik, remont eşlären genä ütkäräse bar, dip xäbär itelde. Şunıñ belän bergä, araqı citeşterüçelär iske tawarnı da arzan bäyädän satıp cibärergä isäpli. Alkogol eçemlekläreneñ xaqları urtaça 10% töşär dip kötelä. Respublika büdjetınıñ şaqtıy zur öleşen tulılandıruçı bu şirkätne, äytkänemçä, üzgärtep qorular kötä. İnde xäzer ük yaña nigezlämä qabul itelgän. «Tatspirtprom»da moña qädär citeşterelğän araqınıñ 60 töre yuqqa çığaçaq, şirkät töp iğtibarnı «Старая Казань», «Ханская» kebek inde tanılğan isemnärgä birmäkçe. Ämma citeşterüneñ küläme şul uq däräcädä qalaçaq. Bu üzgärtep qorularnıñ töp maqsatı — Qazan araqısın Rusiä bazarına çığaru, anıñ köndäşlek itü mömkinleklären arttıru, “Tatspirtprom” kebek monopoliäne cimerü.
XS
SM
MD
LG