Accessibility links

якшәмбе, 4 декабрь 2016, Казан вакыты 13:09

Kongress eşendä tatar yäşläre qatnaşırmı?


Kongress eşendä tatar yäşläre qatnaşırmı?

Oyıştıru komitetı wäkillär arasında yäşlärne dä kürergä teli. Ämma alar kübesençä saylawlardan ütä almıy. Tatar kongressınıñ delegatı digän däräcäle isemgä ölkänräk yäştäge millättäşlärebez layıq bula. Ämma tatar yäşläreneñ fikerläre konressta yañğırarğa tieş. Alarnıñ teläk-täqdimnären kiläse atnada, yäşlär oyışmaları wäkillärennän torğan koordinatsion şuranıñ utırışında tikşerergä tieşlär. Bu utırış Bötendönya tatar kongressınıñ başqarma komitetında uzdırılaçaq. Yäş millättäşlärebezneñ problemaları, uy-fikerläre belän tatar yäşläre könnäre waqıtında küpmeder däräcädä tanışqan idek inde. Orenbur ölkäsendä, Boğrıslanda yäşäwçe Viliä Xannanova «milli tatulıq» digän töşençäneñ ni däräcädä çın buluı xaqında söyläde. Tatar awıllarınnan qalağa uqırğa kilgän yeget häm qızlarğa, urıs telle duslarınnan, xättä uqıtuçılarınnan da “tatarça söyläşmägez” digän “şeltäle” süzlärne işetergä turı kilä. Urıs möxitendä yäşägän tatar yäşlärenä üzläreneñ tellären häm äbi-babalardan qalğan mirasnı saqlap qalu ayıruça qiın. Ämma barıber alar tatarlığın onıtmıy. III Bötendönya tatar kongressı turında da Boğrıslandagı tatar yäşläre işetkän häm aña zur ömetlär bağlıy. Xannanova äytüençä, ul Kongress tatar yaşlärenä yardäm itär dip ömmetlänä.
XS
SM
MD
LG