Accessibility links

якшәмбе, 11 декабрь 2016, Казан вакыты 13:13

İndus Tahirov III Bötendönya Tatar Kongressınıñ burıçın tatarnı ber tel, ber mädäniät tiräsendä tuplawda kürä.


İndus Tahirov III Bötendönya Tatar Kongressınıñ burıçın tatarnı ber tel, ber mädäniät tiräsendä tuplawda kürä.

Tatar kongressında qaralaçak mäs'älälärneñ berençe ürnäk planı inde äzer. Anda äytelğänçä, 28 -29 avgust könnärendä plenar utırışlar, öç sektsiä ciınarı bulaçaq. Berençe seksiäneñ eşe milli fän, mädäniät, sänğät temalarına bağışlanaçaq. İkençe yünäleştä eşläwçelär, milli göref-ğädätlär, zamança mädäniät, tatar yäşläre problemaların tikşeräçäk. Öçençe sektsiädä ciıluçılar - iqtisadıy mäs'älälär, Tatarstannıñ häm çittäge eşmäkärlärneñ xezmättäşlek itüe turında söyläşäçäk. Ğomum ciıınnarda xalıq sanın alu häm latin grafikasına küçü kebek möhim mäs'älälär tikşereläçäk. Rusiä häm Tatarstan Prezidentlarına, xalıqara oyışmalarğa häm tatar xalqına möräcäğätlärneñ tekstaları da xäzerge waqıtta äzerlänep kilä. Anda nindi fikerlär äyteler, älegä bilgele tügel. Çärşämbe könne, «Watanım Tatarstan» gäzitendä Bötendönya Tatar Kongressı Başqarma komitetı räise İndus Tahirovnıñ çığışı dönya kürde. Anda ul ütkän kongressta qabul itelgän qararlarınıñ iñ möhime - latinğa küçärgä digän täqdim - ütälmi qaldı di. Tahirov «Watanım Tatarstan» gäzite bitlärendä tatarlarnıñ berdäm bulmawına rizasızlığın belderep, millätne ber tel, ber mädäniät tiräsendä tuplarğa kiräklege turında äytkän. Kongressnıñ burıçın da ul şunda kürä.

Bikä Timerova
XS
SM
MD
LG