Accessibility links

Aznaqayda awıl xucalığı respublika seminar-kiñäşmäse ütte


Aznaqayda awıl xucalığı respublika seminar-kiñäşmäse ütte

Tatarstannıñ bıyılğı igen uñışı xäyer-fatixanı Aznaqay cirendä aldı. Biredä çärşämbedä köne buyı 2002 yılnıñ urıp-cıyu problemaları turında respublika seminar-kiñäşmäse bardı. Anda respublika citäkçelege qatnaştı häm anı Mintimer Şäymiev alıp bardı. Bıyıl Rusiäneñ üzäklärendä, äytik Ryazan ölkäsendä qorılıq. Hawa şartları Tatarstan öçen dä uñay bulmadı. Urıp-cıyuğa atna-un köngä soñarıp çığıla. Şulay da, bıyıl awıl xucalıqlarında yaxşı uñış kötelä. Seminar-kiñäşmädä gektarınnan 30-35 sentner uñış turında telgä alındı. Bıltırğı uraq kampaniäläreneñ citeşsezlekläre bıyıl tözätelergä tieş. Berençedän, awıl xucalığı ministrı yağulıq materialları, texnika uzğan yılğığa qarağanda, yaxşıraq äzerlekle dip belderde. İkençedän, bıltırğı açı täcribä (respublika ambarlarında xäzergäçä satılmağan uzğan yıl uñışnıñ 1 million tonnası yata), citeşterelgän ikmäkne satu, tabış alu probleması bıyıl başqaça xäl iteläçäk. Xökümät ambarlarına fälän million tonna ikmäk tapşırdıq dip xisap birep tınıçlanu bulmayaçaq. Xucalıqlar aşlıqnı satarğa öyränergä tieşlär. Häm şul ikmäk satudan kilgän tabış turında xisap totaçaqlar. Respublika seminar-kiñäşmäsendä cir reforması turında da süz bardı. Aznaqay rayonında reformalar barışında şaqtıy ğına uñay täcribä bar. Biredä berniçä yıl kolxozlar ışanıçlılıq şirkätläre itep üzgärtep qorılğannar. İnde berniqädär uñay näticälär bar. Citäkçelär biredä cir mäs’äläsendä xosusıy milekçelek yağında. Läkin ğadi xalıq äle kümäk xucalıqtan ayırılırğa qurqa. Şulay uq cirne xosusıy milekçelärgä bülgändä, kemgä närsä eläger - äybät uñdırışlı cirdä çın xuca bulıp eş alıp barırlıq keşelärgä elägerme? İnde Tatarstanda cirne bäyäläw, anıñ kartografiäsen buldıru eşe tämämlanğan. Cir reformasın çınlap torıp başlarğa, anı çın xucalarğa satu eşenä kereşergä bula. Äytkänemçä, seminar köne buyı bardı. Qazannan älege seminar-kiñäşmägä barğan jurnalistlar törkeme tönge 12 genä äylänep qaytıp citkännär. Seminarnıñ ğäyre-räsmi mizgelläre, äytik, seminardan soñ quyılğan konsertta awıl xucalığı ministrınıñ anda üze uynap, üze cırlawı häm yul macaraları turında pänceşämbe könne Qazan Kremlendä jurnalistlar tağın ber şundıy könüzäk çarağa cıyılğaç, üzara söyläşep aldılar.
XS
SM
MD
LG