Accessibility links

пәнҗешәмбе, 8 декабрь 2016, Казан вакыты 10:54

Respublikanıñ salım idaräse 2002 yılnıñ berençe yartısında bıltırğı kürsätkeçlärne 28% arttırıp ütägän


Respublikanıñ salım idaräse 2002 yılnıñ berençe yartısında bıltırğı kürsätkeçlärne 28% arttırıp ütägän

Qazanda bu könnärdä esselek buluğa qaramastan, küpsanlı kiñäşmälär, seminarlar uza tora. Respublikanıñ salım idaräse 2002 yılnıñ berençe yartısında başqarılğan eşkä yomğaqlar yasadı. Statistika belän qızıqsınuçılar öçen: salımçılar büdjetqa 28 milliard sumnan da kübräk aqça cıyıp, uzğan yıldağı kürsätkeçlärne 28% arttırıp ütägännär. Şunıñ yartısı diärlek federal' büdjetqa kitkän. Uzğan yıl belän çağıştırğanda, bu 1.8 tapqırğa kübräk ikän. Şulay da, kiñäşmädä süz totuçılar älege uñışlar belän bötenläy ük qänäğät tügel. Salım “sıyırınıñ“ söte betkän bulsa, ite bar, ite betsä, tirese qala, digändäy, anı sawa, suya, tunıy belergä genä kiräk. 25 iyüldä Ministrlar Kabinetında Ukraina-Tatarstan xezmättäşlegen tiränäytü turında söyläşülär bu ilneñ torbalar eşläwçe “İntertayp” digän korporatsiäsen täqdir itü dä buldı. Älege şirkätneñ malı sıyfatı belän dä, bäyäse yağınnan da beznekelärne qızıqsındıra ikän. Waqıtında xezmät xaqın tülämäwçe citäkçelärne pänceşämbedä şuşı problema buyınça maxsus tözelgän komissiädä munça kerttelär. Qayberäwlär kiñäşmädän validol eçä-eçä çığıp kittelär. Baytaqlarnıñ eşe bankrotlıq komitetına birelde. Çaralarnıñ qırıslığı xezmät xaqın tülämäwçelärneñ kübäyue belän bäyle. “Räxmät”kä eşläw buyınça Tatarstan İdelbuyı okrugında liderlarnıñ berse ikän.
XS
SM
MD
LG