Accessibility links

Кайнар хәбәр

Yäkşämbe könne - säwdägärlär hönäri bäyräme


Yäkşämbe könne - säwdägärlär hönäri bäyräme

Yäkşämbedä säwdä xezmätkärläre üzläreneñ hönäri bäyrämen bilgeläp ütä. Bu arada säwdä ministrlığı citäkçeläre mäğlümat çaraları aşa ireşelgän uñışları turında kinänep söylilär. Älbättä, talon, defitsit çorı belän çağıştırğanda, alğa kiteş zur. Atlağan sayın kibet, kiosk, kafe, bazarlar satuçılar belän tulı. Läkin satıp-alışnıñ alğa kitüendä säwdä ministrlığınıñ öleşe zurmı soñ? Xäzer bit säwdägärlär xökümät tışawlarınnan ıçqındı. Yaxşı säwdä itü öçen säwdägärlär “bezgä ayaq qına çalmasınnar”, dilär. Ciñel tarmaq tügel ul säwdä itü. Uñay üzgäreşlär baytaq, ämma iske sistemadan qalğan dorfalıq, tawarlarnıñ naçar sıyfatların satu üzäklärendä äledän-äle oçrap tora. Ä bit satuçılar belän härkem här könne eş itä. Şuña da satıp aluçılar isemennän alarğa yomşarmasqa, ireşelgän uñışlar belän genä qänäğätlänmäskä, dip äytäse kilä.
XS
SM
MD
LG