Accessibility links

Кайнар хәбәр

Ministrlar Kabinetı brifinğı Qazannıñ 1000-yıllığına äzerlek barışına bağışlandı


Ministrlar Kabinetı brifinğı Qazannıñ 1000-yıllığına äzerlek barışına bağışlandı

Tatarstan Ministrlar Kabinetınıñ sişämbe brifinğı bu yulı Qazannıñ 1000-yıllığına äzerlek buyınça federal' programma ütäleşenä bağışlandı. Brifingnı nigezdä 1000-yıllıqqa äzerlek buyınça maxsus komissiä citäkçese Boris Pavlov alıp bardı. Anıñ sљylägänennän añlaşılğança, federal' programma inde 1.5 yıl ğamäldä. Şaqtıy ğına eşlär başqarılğan. Federal' programmada berençe urında Qazan Kremlen üzgärtep qoru, çönki ul Qazannıñ 1000-yıllığınıñ simvolı, UNESCOnıñ tarixi şähärlär isemlegenä kertelgän. İkençe urında Qazan däwlät universitetın äzerläw. Çönki anıñ äle 200-yıllığın da layıqlı itep uzdırırğa kiräk. Öçençe urında, Boris Pavlov äytüençä, Qazan passajı. Mäğlüm ki, Qazandağı iñ güzäl, arxitekturası iñ original' bu bina distälärçä yıllar näq Qazannıñ üzägendä yärımcimerek xäldä yabılıp tora. Şunnarı soñ Qazannıñ 1000-yıllıq äzerlek federal' programmada çiratta xäräbä yortlarnı tezekländerü, metro tözü häm yullarnı tezekländerü, olı häm keçe transport bocraları tözü mäsäläse tora. 1.5 yıl eçendä iñ zur eşlär – Qazan Kremlen tergezüdä, xäräbä yortlarnı sütü, metro tözü dä (anıñ 1,5 km tözelgän dip sanala) häm yullarnı tezekländerü başqarılğan.

Çınnan da, 1,5 yıl eçendä Qazannıñ 1000-yıllığına bağışlanğan küp kenä eşlär başqarılğan, şuña kürä jurnalistlar birgän sorawlarğa cawap totu şaqtıy ciñel buldı.

Qazannıñ 1000-yıllığına Märcäni mäçete dä tezeländereläçäk häm yañartılaçaq, inşalla. Älegä federal' byudjettan programmanı ütäw öçen aqçalar kilep tora. Berençe yartıyıllıqta bıyılğa bilgelängän aqçalarnıñ yartısı diärlek bülep birelgän. Ğomumän, 64 milliard sumlıq programmanıñ 1/3 öleşe federal' byudjettan, 1/3 - respublika byudjetınnan, 1/3 – törle şirkätlärdän, oyışmalardan, investorlardan cälep itelgän aqça bulırğa tieş. Älegä Qazannıñ 1000-yıllığına äzerlek programmasın finanslawnı beräwdä soraw astına quymıy. Şulay da, düşämbe könne uzğan xökümät utırışında 2003 yılğa byudjet proektın räweşläw mäsäläsen qarağanda, premyer-ministr Röstäm Miñnexanov, eşläp tapqan aqçalarğa ğına yäşibez, digän şiğar belän çıqtı.
XS
SM
MD
LG