Accessibility links

шимбә, 10 декабрь 2016, Казан вакыты 02:18

Yuğarı uqu yortlarına kerü imtixannarı tämamlandı


Yuğarı uqu yortlarına kerü imtixannarı tämamlandı

Şuşı könnärdä Yuğarı uqu yortlarına qabul itü imtixannarı tämamlandı. Şulay itep, kiçäge abiturientlar, ä bügen inde studentlar dip sanaluçı bäxetlelär ciñel sulap, kitaplarnı çitkäräk alıp quyıp esse cäyge könnär belän läzzätlänälär. Bu qızu könnärneñ näticäläre nindi soñ? Soñğı mäğlümätlärgä qarağanda, Tatarstannıñ däwlät qaramağındağı yuğarı uqu yortlarına köndezge bülekkä 53,722 abiturient ğariza birgän bulğan. Bu ütkän yıl belän çağıştırğanda ike meñgä diärlek kübräk. Konkursqa kilgändä, bıyıl ul urtaça alğanda ber urınğa 4,5 keşe täşkil itkän. İñ zur konkurs (ber urınğa 11 keşe) Qazan däwlät texnologiä universitetında terkälgän. Konkurslar bäygesendä ikençe urınnı Älmät neft institutı alğan, anda konkurs — 9,3 keşe. Şunısı quandıra, maqtawlı öçençe urınnı Qazan texnik universitetı belän ber rättän Tatar däwlät gumanitar institutı da bili. Monda ber urınğa 4,6 keşe däğwa itkän.
XS
SM
MD
LG