Accessibility links

пәнҗешәмбе, 8 декабрь 2016, Казан вакыты 23:05

Qazanğa «Yedinaya Rossiä» firqäseneñ wäkilläre kilde


Qazanğa «Yedinaya Rossiä» firqäseneñ wäkilläre kilde

1 avgust könne Qazanğa «Yedinaya Rossiä» firqäseneñ Aleksandr Bespalov citäkçelegendäge delegatsiäse kilde. Mäğlüm ki, «Yedinaya Rossiä» citäkçelege 8 yüldän 9 avgustqa qädär Rusiäneñ 16 töbägendä küçmä utırışlar ütkärä. Qazanda firqä citäkçelege ike kön bulırğa niätli. Pänceşämbe könne alar, Prezident Mintimer Şäymiev belän oçraştı. Mintimer Şäymiev «Yedinaya Rossiä» firqäseneñ räistäşe. Şulay uq, älege firqäğä Rusiä Däwlät Dumasınıñ «Yedinstvo», «Oteçestvo - Vsya Rossiä», «Regionı Rossii» kebek köçle fraksiäläre kerä. «Regionı Rossii» fraksiäsen Tatarstannan saylanğan Oleg Morozov citäkli. «Yedinaya Rossiä» firqäseneñ säyäsi maqsatı - töbäklärdä yäşäwçe xalıqnı sotsial yaqlaw, budjetçılarğa xezmät xaqın daulaw, toraq-kommunal sistemasın reformalaw häm başqa şundıy sotsial problemalar. Ä Mintimer Şäymiev, bu problemanı tağın da masştablıraq itep, federal üzäk belän töbäk mönäsäbätläre, wäqälätlär büleşü häm şuşı töbäklärdä yäşäwçe xalıqnı sotsial yaqlaw säyäsätendä ğädellek mäs'älälären quya.

Pänceşämbe könne «Yedinaya Rossiä» General Şurası deligatsiäsen qabul itkändä, Mintmer Şäymiev tağın ber qat firqäneñ säyäsi maqsatların barlap çıqtı. Jurnalistlar firqäneñ Tatarstan bülege kiläçäge belän qızıqsındı. Mäğlüm ki, firqäneñ Tatarstan bülegen Qazannıñ Energetika Universitetı rektorı Yuriy Nazmiev citäkli. Yedinaya Rossiä firqäse citäkçelege Tatarstanda tağın ber kön bula. Mäğlümat çaraları möxärrirläre, şulay uq cämäğätçelek aktivı, yäğni şirkätlär, oyışmalar citäkçeläre belän oçraşu da bulaçaq.
XS
SM
MD
LG