Accessibility links

шимбә, 10 декабрь 2016, Казан вакыты 19:33

Tatarstan Parlamentınıñ çirattağı sessiäse nindi mäsälälär tikşeräçäk?


Tatarstan Parlamentınıñ çirattağı sessiäse nindi mäsälälär tikşeräçäk?

Tatarstan Respublikası Däwlät Sovetı prezidiumı qarar qabul itte. Anda “respubliqa parlamentınıñ çirattağı 13. plenar sessiäse 5 sentäberdä cıyıla” dip äytelä. Comğa könne älege sessiädä qaralaçaq mäsälälärneñ isemlege dä päyda buldı. Alar arasında “Däwlät xezmäte”, “Xalıqnıñ sanitariä-epidemologiä iminlege”, “2000 häm 2001-nçe yıllarda byudjet ütäleşe” turında qanunnar bar. Kön tärtibenä cämğısı 13 mäsälä quyılğan. 11-nçesendä “Tatarstan respublikasın Däwlät Sovetı deputatların saylawlar” turındağı zakon proektı bar.

Soñğı arada mäğlümat çaraları Däwlät Sovetınıñ yazmışı turında törleçä xäbärlär birep kilälär. Küräseñ, moña nigez bulıp küptän tügel Rossiä Federatsiäseneñ Yuğarı sudı prezidiumı Tatarstan parlamentında xaqimiät başlıqlarınıñ eşläwenä qarata mönäsäbät belderüe bulıp tora axrı. Eş şunda ki, bu yuğarı instansiä “Tigez xoquqlılıq häm zakonlılıq” ictimaği oyışması wäkilläreneñ şiqäyäte buyınça sudlar qararlarına Rossiäneñ general' prokurorı urınbasarı Vladimir Davıdovnıñ däğwasın qänäğätländerde. Elegeräk Tatarstan Yuğarı mäxqämäse mondıy şiqäyätne qänäğätländerüdän baş tartqan ide. Qısqaça äytkändä, Mäskäw eşne yañadan qarar öçen Qazanğa cibärde.

Tatarstan parlamentı bu mäsäläne 13-nçe sessiäsendä qararmı, äytüe qıyın. Çönki parlament äle cäyge kanikulda. Näq änä şul wäzğıätne istä totıp yaña saylawlar uzdıru turındağı qanun sandıqqa salınıp quyılmas axrı.
XS
SM
MD
LG