Accessibility links

пәнҗешәмбе, 8 декабрь 2016, Казан вакыты 14:56

“Böyek İdel yulına” kemnär bara?


“Böyek İdel yulına” kemnär bara?

“Böyek İdel yulı” xalıqara proektı xaqında radiotıñlawçılar elegräk işetkännärder. Bu fänni-ğamäli konferensiäneñ 1 etabı uzğan yılnıñ 6 avgustınnan alıp 16-sına qadär Qazan-Bolğar-Ulyan-Samar- Sarıtaw- Volgagrad- Ästerxan marşrutı buyınça uzğan ide. Bıyıl köymä yulı tağın da maturraq şähärlär, illär aşa uzarğa tieş. 6 avgustta “Lyubov Orlova” digän dürt palubalı karab Sankt-Peterburgtan Tallinğa kitä, annarı Helsinkidan Rigağa, Rigadan Stokholmğa bara, 14 avgustta konferensiädä qatnaşuçılar Piterğa äylänep qaytalar.

Proekt qısalarında Böyek İdel säwdä yulın torğızu, şähärlär häm İdel yarındağı töbäklärneñ etnik, mädäni, ekologik, sotsial'-iqtisadıy mäsäläläreneñ çişeleşen ezläw. Böyek İdel yulın mädäni häm sivilizatsiä küpere bularaq qabat yañartu häm üsterü küzallana. Añlaşıla ki, oşbu igelekle maqsatlarnı ğalimnärdän häm belgeçlärdän başqa çişep bulmıy. Läkin köymä belän İdel buylap säyäxät itü başqa qatlam wäkillären dä qızıqsındıra. Bigräk tä marşrut çit illärdän aşa uzğanda. Bigräk tä matur cäy ayında. Ber-işe mäğlümätlärgä qarağanda, karabta ğalim-ğölämä barmaqlar belän genä sanarlıq, ä çinovniklar häm alarnıñ tanış-beleşläre, yaqınnarı şaqtıy bulaçaq.

“Vostoçnıy ekspress” gazetası xäbärçese pänceşämbedä bu çarağa bağışlanğan press-konferensiädä Qazan şähär şurası räise urınbasarı Lyudmila Andreevadan köymädäge säyäxätkä kemnärneñ baruı, anıñ bäyäläre turında qızıqsınğan ide. Moña Andreeva: “Mondıy waq-töyäk sorawlar birmägez,”- dieberäk cawap birgän.

Çınnan da Böyek İdel turında söylägändä andıy waq-töyäklär belän möxtäräm türä-xanımnı mısqıl itärgä yarıymı inde. Ni äytsäñdä, caysız xalıq bu jurnalistlar. Här närsägä borın tığarğa ğına toralar.

Damir Ğismetdin
XS
SM
MD
LG