Sişämbe 6-nçe avgustta, räsmi xäbärlärdä Tatarstan Prezidentınıñ Rusiä Federatsiäse Şurasınıñ monostırlärgä, çirkäwlärgä milek itep cir tapşıru niätenä reaktsiäse birelä. Mäğlüm ki, uzğan atna axırında Rusiä Federal Şurasında awıl xucalığı äyläneşe turında qanun qabul itelü uñayınnan, qızıp kitep, patşa zamanındağıça çirkäwlärgä, monostırlärgä cir bülep birü turında ideya äytelde. Patşa zamanında monostır, çirkäw cirläre 3 mln. gektar täşkil itkän. Mäçetlär milegendä dä 200 meñ gektar cir bulğan. Mintimer Şäymiev fikerençä, gämäldäge qanunnar qısalarında, monostırlär, çirkäwlär, mäçetlär urnaşqan cirlär alarğa milek itep birelergä tieş. Läkin patşa zamanındağıça Yeparxiälärgä 3 mln. ga cir birü mömkin tügel. Älege cirlär, xäzerge waqıtta, paylar räweşendä, tege yäki bu zatlarnıñ xosusıy milke itep satılğan inde. Ägärdä inde ruxanilarğa, yä bulmasa monostırlärgä awıl xucalığı produktsiäsen citeşterü öçen cir kiräk bulsa, alar anı arendağa alıp, waqıt uzu belän däwlät rezervınnan tieşle bäyäsen tüläp beterep, milek itep ala alalar.
Qazan häm Tatarstan arxiepiskopı Anastasiy ataqay çirkäwlärgä cirlär tapşıru turında ideyänı därtlänep qabul itte. «İnterfax» agentlığına birgän intervyusında çirkäwlär, monostırlär urnaşqan cirlärne genä tügel, äle küp kenä monostırlärne, çirkäwlärne Yeparxiägä bernindi tüläwsez tapşırırğa kiräk dide ul. Älegä Yeparxiä, Raifa monostıre kebek, böten Rusiägä bilgele monostırneñ dä xucası tügel ikän. Älegä mondıy monostırlär Yeparxiägä 49 yılğa arendağa, yäisä tüläwsez qullanuğa birelep tora. Arxiepiskop Anastasiy ataqay yaña qanun buyınça, alar milek itep tapşırılırğa tieş di. Şuña kürä ul, Rusiä Federatsiä Şurasınıñ başlanğıçın berençelärdän bulıp Tatarstan Prezidentı xuplap çığuına, quanuın belderä.
Tatarstan Diniä Näzäräteneñ älege başlanğıçqa reaktsiäse işetelmi. Diniä Näzärätennän kilgän xäbärlärdä, Norlatta möfti Ğosman xäzrät İsxaqıynıñ Rusiä İslam universitetı filialına nigez salu tantanasında qatnaşuı äytelä. 60 urınğa isäplängän bina, berniçä yılda, Norlat şähären bizäp torğan bina bulaçaq, dip ömetlänä ul. Tatarstan Diniä Näzäräte räise, şulay uq, Norlatta yaña, inde 5-nçe mäçet açuğa da xäyer fatıxasın birgän.
Qazan häm Tatarstan arxiepiskopı Anastasiy ataqay çirkäwlärgä cirlär tapşıru turında ideyänı därtlänep qabul itte. «İnterfax» agentlığına birgän intervyusında çirkäwlär, monostırlär urnaşqan cirlärne genä tügel, äle küp kenä monostırlärne, çirkäwlärne Yeparxiägä bernindi tüläwsez tapşırırğa kiräk dide ul. Älegä Yeparxiä, Raifa monostıre kebek, böten Rusiägä bilgele monostırneñ dä xucası tügel ikän. Älegä mondıy monostırlär Yeparxiägä 49 yılğa arendağa, yäisä tüläwsez qullanuğa birelep tora. Arxiepiskop Anastasiy ataqay yaña qanun buyınça, alar milek itep tapşırılırğa tieş di. Şuña kürä ul, Rusiä Federatsiä Şurasınıñ başlanğıçın berençelärdän bulıp Tatarstan Prezidentı xuplap çığuına, quanuın belderä.
Tatarstan Diniä Näzäräteneñ älege başlanğıçqa reaktsiäse işetelmi. Diniä Näzärätennän kilgän xäbärlärdä, Norlatta möfti Ğosman xäzrät İsxaqıynıñ Rusiä İslam universitetı filialına nigez salu tantanasında qatnaşuı äytelä. 60 urınğa isäplängän bina, berniçä yılda, Norlat şähären bizäp torğan bina bulaçaq, dip ömetlänä ul. Tatarstan Diniä Näzäräte räise, şulay uq, Norlatta yaña, inde 5-nçe mäçet açuğa da xäyer fatıxasın birgän.