Accessibility links

Кайнар хәбәр

Älfiä Miñnullina: “Kiräkmägän keşelärdän arınu Rusiäneñ xıyalına äylänäme?


Älfiä Miñnullina: “Kiräkmägän keşelärdän arınu Rusiäneñ xıyalına äylänäme?

Şul uq, Vaxitov rayonı mäxqamäse utırışında şulay uq şiqäyät itelgän, Pasport-viza xezmäte idaräsendä dä, problemalar citärlek tügel meni? Küptän tügel, tıñlawçılarıbızğa mäğlüm ber jurnalist, Älfiä Miñnullina şul xezmätkä, çit ilgä çığu öçen, dokumentlar alırğa barğan. Şundağı törle burokratik instruksiälär, çinovnik tärtiplären tänqıtlägäç, “Bu ildä tärtiplär oşamasa, yäşämägez bu ildä”, - dip cikerende paspot-viza xezmäteneñ dokumentlarnı äzerläwçe mayor-xanım”,- dip yaza ul. “Kinät kenä Stalin babay iskä töşte, yöräk ju itep quydı, ällä nindi fikerlär, ber-bersenä logik çılbır bulıp bäylänep kitte. Niçek inde? Bar keşegä dä böten tärtipneñ oşamawı bik mömkin. Dimäk, ul keşelär barısı da, üz Watannarın taşlap kitärgä tieş bulamı? Kem genä qalaçaq soñ, Rusiädä?» - digän soraw quya Älfiä Miñnullina. “Ällä şulay, barlıq kiräkmägän dip sanalğan keşelärdän arınu Rusiä xıyalına äylänäme”, dip fiker yörtä ul. Ä inde yaña pasport alu mäsäläsenä kilgändä, Älfiä xanım xidcap mäsäläsen quymasa da, pasport artınnan, dönya waqıtın sarıf itep, cäy buyı çapqan. Matdi çığımnar da, ğailä öçen şaqtıy sallı uq çıqqan, 500-600 rublgä töşkän. Şulay da, pasportnıñ tatarça yazılğan bitendä familiäm täki urısçalatıp Minnullina dip yazıldı, dip pasport alu macaraları turında yaza jurnalist Älfiä Miñnullina İntertat.ru säxifäsendä.

Azatlıq radiosı öçen Tatarstan xäbärlären Qazannan Yunıs Ätnäle äzerläde
XS
SM
MD
LG