Accessibility links

дүшәмбе, 5 декабрь 2016, Казан вакыты 05:27

İndus Tahirov: ”Tatarstan federalizm qapqasın yabuçı tügel, kiresençä anı açıq totıp saqlawçı”


İndus Tahirov: ”Tatarstan federalizm qapqasın yabuçı tügel, kiresençä anı açıq totıp saqlawçı”

Pänceşämbe könne, kötep alınğan «Звезда Поволжья » gazetasınıñ çırattağı sanında möxärrir Räşit Äxmätov: «alda III Bötendönya tatar Kongressı, xalıq isäben alu, Qazannı yawlap alunıñ 450 yıllığı, şähär başlıqların häm Däwlät Şurasına deputatlar saylaw, ber dä küñelsez bulmas, uquçıbız», dip yazıp çıqtı. Çınnan da, latinğa küçü tiräsendä tartqalaşu, xalıq sanın alğanda tatarlarnı 5-6 törgä bülep kürsätkän isemleklär dä bar. Yaña pasport öläşkändä kilep çıqqan nizağlar, küptän tügel «Yedinaya Rossiä» firqäse delegatsiäse Qazanğa kilgäç, «Regionı Rossi» fraksiäse citäkçese Oleg Morozovnıñ “Mäskäw belän Qazan arasında bernindi şartnämä bulu mömkin tügel, dip belderüe, alda säyäsi wäzğıätneñ quyıruın farazlıy. Häm menä şuşı könnärdä genä, İdel buyı federal okruğı citäkçese Sergey Kirienko, Tatarstanda yaña Rusiä pasportın milli bitsez, yäğni tatarça tutırılğan quşımtasız alırğa telägän keşegä qarşı torğan çinovniknı ber atna eçendä eşennän quam, dip belderde.

«Аргументы и факты» gäziteneñ 7 avgust sanında «Federalizm. Qazan xlopnula dveryu» digän imzasız ber yazma çıqtı. Anda, soñğı waqıtta Tatarstannıñ “Suverenitetı”, “Grajdanlığı”, “Xalıqara xoquqıy eşçänlege” töşençälären saqlap qalu çaraların kürü säbäple, Qazan belän Mäskäw mönäsäbätläre kiskenläşte, dip bäyä birelä. «Tatarstan yäşläre» gäzite elege yazmağa federaliz şuşındıy bulamı, digän kommentariy birde. “Älege mäqälädä urıs xalqın örketü kebek sınalğan alım qullanıla, yänäse Tatarstan Konstitutsiäsendäge «Suverenlıq», «Grajdanlıq», «Xalıqara eşçänlek» kebek töşençälär respulikada yäşäwçe million yarım urısnıñ nervasına nıq tiäçäk ikän”, digän yullar bar. Çınnan da örketü, qurqıtu Rusiä säyäsätçelärneñ sınalğan alımı. Ni qızğanıç, xalıqçan, ayıq aqıllı platformada torğan «Tatarstan yäşläre» gäzite şuşı urıs xalqın tatarğa qarşı quyarğa telägän gämällär qıluda öçençe ber yaqnı, öçençe ber xalıqnı gäyeple itä.

Çınnan da, «Federalizm. Qazan xlopnula dveryu» yazmasınıñ avtorları qurqıtamı? Tatarstan belän Rusiä şartnämäseneñ avtorlarınıñ berse Bötendönya tatar Kongressı Başqarma komitetı räise İndus Tahirov kommentariy birä. İndus Tahirov «Аргументы и факты» gäzitendä çıqqan älege yazmanı döres tüğel, çınbarlıqqa turı kilmi dip bäyäläde:

“Rusiä, soñğı waqıtta töbäklär belän mönäsäbätlärne köyläüçe kileşü ürnäge bulgan Tatarstan-Rusiä Şartnämäsen ber yaqlı ğämäldän çığaru çaraların kürä. Läkin Tatarstan Şarnämäne saqlap qalu yağında. Tatarstan federalizm qapqasın yabuçı tügel, kiresençä anı açıq totıp saqlawçı.”
XS
SM
MD
LG