Accessibility links

шимбә, 3 декабрь 2016, Казан вакыты 12:34

«Tatarstan» xärbi manevlarda qatnaşa


«Tatarstan» xärbi manevlarda qatnaşa

Tatarstannıñ berençe citäkçelärsez qaldı. Yuq, alar isän-saw. Läkin başlıqlar barısı da säyäxättä. İnde xäbär itkänebezçä, prezident Mintimer Şäymiev Kaspi flotiliäse öyränülärendä. Anı bu xärbi çaralarğa Ästerxanğa Rusiäneñ saqlanu ministrı Sergey İvanov çaqırğan. Älbättä, Tatarstan prezidentı forsattan faydalanıp, Ästerxan ölkäse häm Dağıstan respublikası citäkçeläre belän dä oçraştı. Prezidentnıñ matbuğat üzäge xäbärlärenä qarağanda, märtäbäle qunaqlar Kaspiy flotiliäse öyränülärendä qatnaşuçı köçlärneñ ğämällären küzätkännär. Bu arada matbuğatta Yäşel Üzändä Kaspi flotiliäse zakazı belän yasalğan «Tatarstan» karabı turında qapma-qarşı yazmalar basılıp kilde. Beräwlär anı yasalıp betmäü säbäple xärbi öyränülärdä qatnaşmağan dip yazsalar, ikençelär, Kaspiğa barğanda qorabnıñ küperlär astınnan ütä almaw säbäple, öske öleşen alğannar dip farazladılar. Baqsañ, «Tatarstan» xärbi köymäse tärtiptä ikän häm ul öyränülärdä qatnaşqan. Jurnalistlar öçen uzdırılğan press-konferensiädä ministr Sergey İvanov, «Tatarstan» xärbi qorabı flagman köymäse bulaçaq, dip äytte. Saqlanu minitsrı, mondıy häm başqa karablarğa yaña zakazlar äzerlänä, dip belderde. Mintimer Şäymiev häm anıñ belän älege çaralarda küzätüçelär bulıp qatnaşqan däräcäle qunaqlar qorabnıñ palubasında buldılar, ekipaj belän oçraştılar.
XS
SM
MD
LG