Accessibility links

шимбә, 3 декабрь 2016, Казан вакыты 07:52

Çuwaşstanda yul faciğäsendä 20-dän artıq keşe xäläk buldı


Çuwaşstanda yul faciğäsendä 20-dän artıq keşe xäläk buldı

Monısına şöker dibez, ä menä Çuwaşiädä sişämbe könne mätäm köne iğlan itelä. Kanaş-Çabaqsar yulında PAZ avtobusı çoqırğa oçıp töşep, 20-dän artıq keşe xäläk bulğan. Barlığı şuşı keçkenä genä avtobusqa dıñğıçlap 65 passajir utırğan bulğan. Çuwaşiä prezidentı Nikolay Fedorovnıñ bu faciğa bulğan urınğa kilep, avtobus yanında yatuçı mäyetlär yanında küz yäşläre çığarıp yılawın Rusiä televideniese kürsätte. Bik zur qayğı, faciğa, älbättä. Ämmä, 30-40 urınlı avtobusqa 65 keşe töyälep yörüneñ säbäbe närsädä soñ? Zur timer yul stansiäse Kanaştan Çabaqsarğa 2-3 säğät buyı konserva bankasına tutırılğan waq balıq xälendäge xalıq här kön sayın avariägä yaqın xäldä nuja çikkän. Säyäsättä yaltırağan respublika prezidentı häm Çuwaşiä xökümäte şul avtobus yöreşen cayğa salsalar da, qorbannar azraq bulır ide.
XS
SM
MD
LG