Accessibility links

пәнҗешәмбе, 8 декабрь 2016, Казан вакыты 03:21

Tatarstan televidenieseneñ «Çulpan» programması yabıldı


Tatarstan televidenieseneñ «Çulpan» programması yabıldı

Macaralar Tatarstannıñ säyäsi, mädäni tormışında da bulıp tora. Düşämbe irtäsendä Tatarstan däwlät televideniäseneñ ğädättäge irtänge tapşıruı efirğa çıqmadı. 10 yıl buyı eşlägän «Çulpan» moñsulanıp tamaşaçı belän xuşlaştı. Anıñ urınına nindi yoldız qalqa soñ, digändä, xäzergä yoldız tügel, şäm dä qabınmadı. Elekke Tatarstan televideniäse ikegä bülenä. Büleşkändä yort-cihazlar, mal-tuarlar, bala-çağalar kem öleşenä tiä, dip tartqalaşu ğädätkä kergän. Bu yulı da şulay.

Televideniäçelär büleşä, ä tamaşaçı bötenläy mäğlümätsez qala. Çönki yaña açılğan «Yaña ğasır» kanalı da bu könne efirğa çıqmadı. Ul berniçä könnän «Xäyerle irtä, Tatarstan» digän tapşıru çığaraçaq. Ä xäzergä Tatarstanda televidenie irtäläre xäyerle tügel. RTR, ORT, «Efir» rus telendä sayrap tora, ä tuğan telebezdä cırı da, moñı da, süze dä işetelmi. Därtlänep ike televidenie buldırıp yörüçelär kiläçäktä niçek şaqqatırır ikän? Tatar kongressı açılırğa 8 kön qalğanda, tatar telen onıtqan zäñgär ekrannar täqdim itü xalqıbız öçen ğälämät zur büläk buldı inde. 11 yıl elek, näq şul könne, 19 avgustta, televideniedäge tapşırularnıñ tärtibe bozılıp, ekranğa «Aqqoş küle» baletı çıqqan ide. Xäzergä milli efirda da «Aqqoş küle»nä oxşaş biyülär.
XS
SM
MD
LG