Yaponiädän saylanğan delegatqa Qazannan cibärelgän çaqıru Rusiäneñ tışqı eşlär ministrlığı aşa Tokioğa barıp citmägän. Millättäşebez Ramazan Safa viza kilmägän kileş oçqıçqa bilet ala almıy. Xäzer inde ul Qazanğa barırğa ömeten özgän. Nindider säbäplär buyınça bu kongressta Yaponiä wäkile qatnaşmasqa da mömkin. Kongressqa kilmägän yıraqta yäşäwçe millättäşlärebez anı bälki İnternet aşa da kürä alır. 21 avgustta Salawat konsertın İnternet aşa qarıy häm tıñlıy alsağız, dimäk 29 avgustta ütäçäk tatar kongressın da şul uq texnika, şul uq belgeçlär yärdämendä kompyuterlarıgız aşa küzätersez. Şuña kürä, 21 avgustta, Qazan waqıtı belän säğät altıdan başlap kompyuter aşa İnternet päräwezenä çığıp qarağız äle. Tögälräk mäğlümätne beläsegez kilsä, İntertat. ru säxifäsen açıp qarağız.
«Azatlıq» radiosı öçen Qazannan Rimzil Wäli
«Azatlıq» radiosı öçen Qazannan Rimzil Wäli