Accessibility links

җомга, 9 декабрь 2016, Казан вакыты 08:48

Vladimir Putin kongressqa kilerme?


Vladimir Putin kongressqa kilerme?

Brifing alıp baruçılarnı jurnalistlar ozaq qına kongressqa Rusiä prezidentı Vladimir Putin kiläme-yuqmı dip ğazapladılar. Putinnıñ kilüe turında räsmi xäbär yuq. Kongressta qatnaşuçılar isemlegenä äle ul kertelmägän. Cawap şundıy buldı. Läkin mondıy cawap jurnalistlarnı qänäğätländermäde. Ber jurnalist xätta, işetep beläm, Rusiä prezidentı apparatında bu mäsälä xäl itelgän, Vladimir Putin Kemerovadan Qazanğa kiläçäk, dip äytte. Läkin kilüläre raslanğan Rusiä xakimiäte wäkilläre arasında Rusiä däwlät milke başlığı Färit Ğazizullin, Rusiä prezidentı kiñäşçese, iqtisadi üseş ministrı German Grefnıñ urınbasarı Elwira Näbiullina, Saxalin ölkäse gubernatorı İğor Fäxretdinov, Başqortostan prezidentı Mortaza Räximov häm anıñ citäkçelegendä Kongressqa kilüçe iñ zur – 80 keşelek delegatsiä isemlege mäğlüm.

Ä inde Tatarstannan çittä yäşäwçe ataqlı millättäşlärebezgä kilgändä, Amerikadan kiläçäk 7 delegat häm 5-6 qunaq itep çaqırılğan millättäşlärebez arasında ataqlı ğalim Roald Sägdievneñ kilä almawı mäğlüm buldı. Ul dekaber ayında 70 yäşlek yubileen bilgeläp ütä ikän häm şul waqıtta Tatarstanğa kilergä niätli.
XS
SM
MD
LG