Accessibility links

сишәмбе, 6 декабрь 2016, Казан вакыты 15:19

«İñ tıynaq radio»ğa -- ber yıl


«İñ tıynaq radio»ğa -- ber yıl

Bügen FM 100.5 yışlığında eşläwçe “Tatar radiosı”na 1 yıl tuldı. Milli matbuğat bu mini yubileyğa iğtibar itte, buğay. Ä inde “Tatar radiosı” bu waqiğanı kinänep bilgeläp ütä. İrtännän DJ-lar radiotıñlawçılar belän viktorinalar uzdırdılar, alardan küñellärenä xuş kilgän kompliment-qotlawlar qabul ittelär. Şimbä kiç Kamal teatrı qarşındağı mäydanda “Tatar radiosını”ñ general' sponsorı yärdäme belän älege radionıñ tuğan könen bilgeläp ütärgä cıyınalar. Biredä sänğätkärlärneñ çığışı, qotlawlar, cır-biyü mul bulaçaq. Bäyräm kiçäse Salawat häm Zölfät çığışları belän tämämlanaçaq. Süz uñayınnan, Zölfät ber yıl elek “Tatar radiosı”na bağışlap gimn yazğan ide. Äytergä kiräk, “Tatar radiosı”nıñ berellıq eşçänlege komplimentlarğa layıqtır. Anda milli köylär dä, xäbärlär dä, tok-şoular da yañğırap tora. “Tatar radiosı” qolaqnı yalıqtırmasa da, iğtibar belän tıñlawçı anıñ tapşırularında “Russkoe radio” çalımnarın nıq sizemlilär. Qayber tapşırular DJ-larnıñ tieşle däräcädä äzerlänmiçä efirğa çığuları, üz radioların ifrat däräcädä kükkä çöyüläre, oşbu radioda yış yañğırıy torğan “Bez iñ tıynaq radio” digän reklamağa turı kiläme ikän?
XS
SM
MD
LG