Accessibility links

шимбә, 10 декабрь 2016, Казан вакыты 13:53

Qazan hawa alanında kön buyı Kongress qunaqların qarşılıylar


Qazan hawa alanında kön buyı Kongress qunaqların qarşılıylar

Tatarstan tormışın xäzer kierenkelek süze belän bilgeläp bulır ide. Uramnarda - bäyräm aldı ığı-zığısı. Kongressnıñ oyıştıru komitetı wäkilläre äytüençä, Qazan hawa alanında kön buyı, milli kiemnärdän tatar qızları qunaqlarnı qarşılap tora, Aeroport bufetında taw bulıp çäk-çäk öyılep tora. Kunaqxänälärgä delegatlar urnaşa bara, yañaları kilä tora.

Başqortostan tatarlarınıñ räsmi delegatsiäse çärşämbe könne irtän kilergä tieş. Kürşe respublikanıñ qayber wäkilläre inde kilep, Qazandağı millättäşläre belän oçraşa başladı. Kongressta alternativ qorıltaylarda saylanğan delğatlar da bulaçaq.

İñ qızığı şul, alternativ qorıltaylarnıñ wäkilläre kürşe respublikadan ğına tügel, Amerika Quşma Ştatlarınnan da kilgän. Yaqşämbe könne kiç, Qazanğa 3 Amerika tatarı kilde. Xäbärne efirğa ezerlägän waqıtta Qazanğa Üzbäkstan tatarları wäkillçelege kilep töçte. Şulay uq bügen Törkiä, Uqraina, Kemerovo häm Sverdlaw ölkäläre, Krasnodar krae, Xantı-Mansi avtonomiäse, Çiläbe qunaqların kötälär.

Kongressnıñ oyıştıru büleklärendä Kongressnıñ seksiälärendä qabul itelergä tieşle rezolutsiälärne, qararlarnı yazu belän mäşgül. Mäsälän, bezgä kilep ireşkän mäğlümatlarğa qarağanda, yäşlär problemalarına bağışlanğan seksiädä tatarlarnıñ milli-mädäni üseşe, tatar yäşläre oyışmalarnıñ xaqimiät oyışmaları belän eşläw täcribäse, tuğan telne saqlaw problemaları kütäreläçäk.
XS
SM
MD
LG