Accessibility links

якшәмбе, 11 декабрь 2016, Казан вакыты 07:16

Räfis Säyetovnı üterüçene tabuda yäedäm itüçegä 1 million rubl wäğdä itelde


Räfis Säyetovnı üterüçene tabuda yäedäm itüçegä 1 million rubl wäğdä itelde

Respublika könennän soñ iñ küñelsez xäbär bulıp, Ägerce rayonı xaqimiäte başlığı Räfis Säyetovnıñ üterelüe buldı. Anı Respublika könennän Qazannan qaytqanın yortı yanında sağalap torğannar häm berniçä törle qoraldan atıp ütergännär. Qayber mäğlümat çaraları märhümneñ ğailäsenä bernindi dä zıyan bulmağan, ä “Respublika Tatarstan” gazetası Räfis Säyetovnıñ qızı Läysän dä yaralanğan dip xäbär itte. Mäğlüm ki, älege faciğa şaqqatırğıç, böten respublikanı ayaqqa bastırdı. Mintimer Şäymiev märhümneñ ğailäsenä qayğı urtaqlaşuın belderde. “Bu faciğağa nıq teträndem, sezneñ ğailägä kilgän zur qayğını eçkersez urtaqlaşam. Räfis Färit ulı Tatarstanğa, üze tuıp üskän Ägerce cirenä tuğrılıqlı xezmät itte”, dielä qayğı urtaqlaşu telegrammasında. Respublika tarixında xaqimiät wäkileneñ zakazlı üterelüe äle berençe tapqır. Monınçı ber xalıq deputatı şulay üterelgän ide.

Bu cinäyätne faş itü öçen, şulay uq, äle tarixta kürelmägän, işetelmägän çaralar kürelä. Cinayät urınına eçke eşlär ministrı häm anıñ berençe urınbasarı bardılar. Ägerce rayonı xaqimiäte başlığınıñ kollegaları cinayätne açuda qullanu öçen maxsus waqıf buldırdılar. Anda 1 million rubl tuplarğa niätlilär. Älege aqçalar cinayätne açuda yärdäm kürsätüçelärgä büläk itep bireläçäk.

Bäyräm könne tagın ber faciğa bula yazğanı mäğlüm buldı. Kiçke salyut waqıtında İdeldä küñel açu säyäxätenä çıqqan şäxsi köymä töpkä utırğan häm yantayğan. Anıñ tryumına su tula başlağan, yağulığı ağıp çığa başlağan. Köymädä barlığı 28 keşe bulğan, alar arasında şaqtıy ğına balalar. Ğädättäntış xällär ministrlığı qotqaruçılarnıñ waqıtında kilep citep, tieşle yärdäm kürsätüe ülem-xätär buldırmıy qalğan.

Yunıs Ätnäle
XS
SM
MD
LG