Accessibility links

сишәмбе, 6 декабрь 2016, Казан вакыты 03:55

Tatarstanda urıp-cıyu tämamlana


Tatarstanda urıp-cıyu tämamlana

Tatarstanda tağın ber zur eşkä näticä yasarğa äzerlänälär. Respublikada urıp-cıyu tämamlanıp kilä. Bu xaqta urıp-cıyunıñ barışına bağışlap ütkärelgän matbuğat oçraşuında äytelde. Anda iğlan itelgän qayber sannar: Respublikada 86 protsent igen urılğan. Ul 4 million 600 meñ tonna täşkil itä. Bar aşlıq 5 million tonnadan artıq bulır dip kötelä. Bügenge köndä berniçä rayon urıp-cıyunı inde tämämlağan da ikän. İñ küp aşlıq Norlat häm Bua rayonnarında cıyılğan. Uñış urtaça gektardan 33 sentner täşkil itä. Tatarstannıñ kürşeläre belän çağıştırğanda bu sannar ğayät zur bulıp kürenä, alarda gektardan 15-23 sentner ğına cıyıp alınğan. Matbuğat oçraşuında çığış yasawçılar süzlärenä qarağanda, bıyılğı uñış şunıñ qädär mul ki, anı urnaştırırğa xättä urın da citmi ikän. Citmäsä, äle bıltırğı aşlıq ta betmägän. Xäyer, mullıq bälä tügel inde ul. Ägär ikmäk citmäsä, tağın da qıyınraq bulır ide. Bulıp torsın, ä urını tabılır, dip tınıçlandıra xaqimiät wäkilläre. Şulay itep, Tatarstanda bıyılğı mul uñışnı yuğaltularsız cıyıp ala aldılar, disäñ dä bula. Läkin awıl xucalığı xezmätkärläre eşlären däwam itä. Alda äle bixisap eş -- tuñğa sörü, bäräñge, şikär çögendere uñışların cıyıp alu, qışqa äzerlek. Aları da şulay uq uñışlı ütär dip ömetlänäse genä qala.
XS
SM
MD
LG