Näticälär digändä, tağın ber zur häm ğayät möhim waqiğanı çitlätep ütep bulmıy. III Bötendönya tatar kongressı üzeneñ eşen inde berniçä kön elek tämamlasa da, anıñ yomğaqların yasaw, näticälären bilgeläw tiz genä betmäs kebek. Kongressnıñ cıyılışlarında şaqtıy ğına çığışlar, älbättä inde, tatar milläten torğızu, anıñ telen, mädäniäten üsterü, ğoref-ğädätlärne saqlap qalunıñ kiräklege turında bardı. Küpçelek çığış yasawçılar bu eşlärdä üzläreneñ ömetlären Tatarstan xaqimiätenä, tatar zıyalılarına bağlıylar. Läkin millätne saqlap qalu, anı üsterü öçen xaqimiätlärneñ yäki ayırım qatlamlarnıñ ğına eşe tügel. Üzen tatar dip sanağan här keşe, här şäxes tä bu eştä köçennän kilgän qädär qatnaşırğa tieş. Tatar kongressınıñ plenar utırışında çığış yasağan qayber millättäşlärebez näq menä şul xaqta söylädelär. Äydägez, şul çığışlardan özeklär tıñlap alıyq. Yazuçı Zölfät Xäkim söyli:
Bezgä suverenitet närsä birde, digän sorawlarnı yış işetergä turı kilä. Bälki andıy sorawnı qaywaqıtta birergä dä kiräkter. Läkin iñ berençe çiratta härkem üzennän sorarğa tieş -- ä min üzem Tatarstan möstäqıllege öçen närsä eşlädem, nindi öleş kerttem. Qaysı yaqtan qarasañ da, millätebezneñ yazmışı, anıñ kiläçäge ayırım keşe faktorına kilep totaşa. Millätne saqlap qaluda härberebezneñ role ğayät zur. Yazmış bezne sınawnı däwam itä. Härkem cawaplılaq toyğan sürättä genä, bez millät bularaq saqlanıp qala alaçaqbız.
Zölfät Xäkimneñ III Bötendönya tatar kongressında yasağan çığışınnan özek tıñladığız. Ä xäzer iğtibarğa layıqlı tağın ber çığış, Amerika Quşma ştatlarınıñ New York şähärennän kilgän delegat İldar Agiş:
Härberebez, millätemä nindi fayda kiterä alam, digän sorawnı qabatlarğa tieş. Çönki köçle millätlär köçle, qüätle färtlärdän genä tora. Dimäk härkem üzeneñ saylağan eşendä yaxşı itep, tırışıp eşlärgä tieş. Ber-berebezne niçek kütärä alabız, şulay kütärik, üzara bulğan elemtälärne nığıtıyq.
Şulay itep, III Tatar kongressı inde tarixta qalıp bara. Läkin tormış däwam itä. Xäzer anıñ yomğaqları yasala, märtäbäle tatar cıyını nilärgä ireşte, närsälärne buldıra almadı digän sorawlarğa cawaplar ezlänä. Bötendönya tatar kongressı Başqarma komitetında da eşlär däwam itä. Älegä anda bernindi dä yañalıq yuq. Yaña saylanğan räis Rinat äfände Zakirov üzeneñ xezmätkärläre belän kilep tanışqan. Elekkege eşen taşlamıyça Rinat äfände ike wazıyfanı bergä başqarırğa cıyına. Başqarma komitetqa yaña räis kilü säbäple eşläwçelär isemlegendä älegä bernindi üzgäreşlär kürenmi, dip xäbär itä İntertat.ru agentlığı. Kiläçäktä alar bulırmı, Başqarma komitetnıñ eşçänlege üzgärerme häm ul üzgäreşlär nindi bulır -- monısın inde yaqın kiläçäk kürsäter.
«Azatlıq» radiosı öçen Tatarstan xäbärläre belän Qazannan Gölnaz İlgizär
Bezgä suverenitet närsä birde, digän sorawlarnı yış işetergä turı kilä. Bälki andıy sorawnı qaywaqıtta birergä dä kiräkter. Läkin iñ berençe çiratta härkem üzennän sorarğa tieş -- ä min üzem Tatarstan möstäqıllege öçen närsä eşlädem, nindi öleş kerttem. Qaysı yaqtan qarasañ da, millätebezneñ yazmışı, anıñ kiläçäge ayırım keşe faktorına kilep totaşa. Millätne saqlap qaluda härberebezneñ role ğayät zur. Yazmış bezne sınawnı däwam itä. Härkem cawaplılaq toyğan sürättä genä, bez millät bularaq saqlanıp qala alaçaqbız.
Zölfät Xäkimneñ III Bötendönya tatar kongressında yasağan çığışınnan özek tıñladığız. Ä xäzer iğtibarğa layıqlı tağın ber çığış, Amerika Quşma ştatlarınıñ New York şähärennän kilgän delegat İldar Agiş:
Härberebez, millätemä nindi fayda kiterä alam, digän sorawnı qabatlarğa tieş. Çönki köçle millätlär köçle, qüätle färtlärdän genä tora. Dimäk härkem üzeneñ saylağan eşendä yaxşı itep, tırışıp eşlärgä tieş. Ber-berebezne niçek kütärä alabız, şulay kütärik, üzara bulğan elemtälärne nığıtıyq.
Şulay itep, III Tatar kongressı inde tarixta qalıp bara. Läkin tormış däwam itä. Xäzer anıñ yomğaqları yasala, märtäbäle tatar cıyını nilärgä ireşte, närsälärne buldıra almadı digän sorawlarğa cawaplar ezlänä. Bötendönya tatar kongressı Başqarma komitetında da eşlär däwam itä. Älegä anda bernindi dä yañalıq yuq. Yaña saylanğan räis Rinat äfände Zakirov üzeneñ xezmätkärläre belän kilep tanışqan. Elekkege eşen taşlamıyça Rinat äfände ike wazıyfanı bergä başqarırğa cıyına. Başqarma komitetqa yaña räis kilü säbäple eşläwçelär isemlegendä älegä bernindi üzgäreşlär kürenmi, dip xäbär itä İntertat.ru agentlığı. Kiläçäktä alar bulırmı, Başqarma komitetnıñ eşçänlege üzgärerme häm ul üzgäreşlär nindi bulır -- monısın inde yaqın kiläçäk kürsäter.
«Azatlıq» radiosı öçen Tatarstan xäbärläre belän Qazannan Gölnaz İlgizär