Accessibility links

Qazanda "Российская газета" bülekçäse açıla


Qazanda "Российская газета" bülekçäse açıla

8 sentäberdä tankistlar köne häm Xalıqara jurnalistlar berdämlege köne buldı. Qazanda tankistlar da, jurnalistlar da az tügel. Qayber tankistlar talantlı qäläm iäse, qayber jurnalistlar tank kebek höcüm itä belä. Yul uñayınnan äytim, Tatarstan teleradiokompaniäse räise İrek Mortazin Qazan tank uçilişçasın tämamlağan. Qazan universitetınıñ jurnalistika fakul'tetın tämamlağan häm anda däreslär alıp barğan İlşat Äminev “Yaña ğasır” teleradiokompaniäsen citäkli. Alarnıñ şuşı televidenie, radio tarmaqların büleşü protsedurası äle tämamlanmağan. Xäzergä qaysı yaqta tanklar, qayda tuplar küplegen äytep bulmıy.

Jurnalistlarnıñ baş komanduyuşçie, Rusiä mäğlümät häm matbuğat ministrı Mixail Lesin Qazanğa kilde, dip xäbär taratsaq ta, bu plan tormışqa aşmadı. Anıñ Qazanğa kilü mömkinlege televidenie malların büleşü belän tügel, ä Qazanda "Российская газета"nıñ töbäk bülekçäsen açuğa bäyle. Dmitriy Mixaylin "Российская газета"nıñ baş möxärrir urınbasarı itep alınğaç, xäzer Qazanda Tatarstan häm kürşe töbäklär öçen urtaq xäbärçelek bülege Möştäri uramı tiräsendä açıla. Ägär dä bu waqiğa sişämbe könne bula qalsa, anda Lesin yäki, hiç yuğı digändäy, "Российская газета"nıñ baş möxärrire Vladislav Fronin kilmiçä qalmas. Fronin isä, şulay uq, Qazanda, tankistlar uçilişçesında bulmasa da, universitetnıñ jurnalistika bülegen tämamlağan.
XS
SM
MD
LG