Accessibility links

сишәмбе, 6 декабрь 2016, Казан вакыты 17:17

Kongressnıñ redaksiä komissiäse eşen tämamladı


Kongressnıñ redaksiä komissiäse eşen tämamladı

Kongressnıñ redaksiä komissiäse tatar forumınıñ töp qararların kongressta yañğırağan täqdimnär belän bayıtıp dönyağa çığarmadı äle. Düşämbe könne İslam Äxmätcanov citäkçelegendäge şuşı komissiä üz eşen tämamladı. Rezolyutsiädä tatar xalqı häm kongress aldında torğan möhim burıçlar kürsätelä. Menä alarnıñ berniçäse - Tatarstannıñ däwlätçelegen saqlaw, Mäskäw belän şartnamä tözegändä tatarnıñ milli üseşen onıtmaw, tatar xalqın üsterü buyınça federal' programma tözü, mädäniät, mäğrifät oyışmaları çeltären üsterü, urtaq mäğlümät moxiten buldıru, yuğarı uqu yortlarında kvotalar birü nigezendä tatarlar yäşägän töbäklär öçen milli kadrlar äzerläw. Menä şundıy konkret häm möhim yünäleşlär bilgelängän anda.

Tatar kongressınıñ eşçänlegenä Qazanda yäşäwçe millättäşlärebez töşenep betmägän ikän, dilär. Urıslarğa, başqa xalıqlarğa tatar däğwasın häm täqdimnären añlatu äle başlana ğına. İntertat.ru elektron agentlığınıñ tatarça çığarılışında kongressta yañğırağan qayber çığışlar, anıñ turında delegatlarnıñ, qunaqlarnıñ, forumda qatnaşmağan keşelärneñ fikerläre quyıla. Ämmä rus telendäge İntertat.ru 1-2 çığış belän genä çiklände. Anda Rusiä töbäklärendäge iqtisadi yañalıqlarğa kübräk iğtibar itelä. Ä bit Tatarstan häm tatar xalqı belän qızıqsınuçılar ber tatarlar ğına tügel. Xättä tatarlarnıñ da zur ğına öleşe tuğan tellären yaxşı belmäsälär dä, millät, ruxi tormış belän qızıqsınalar. Tatar xalqın berläşterü xaqındağı bäxäslärne häm can özgeç çığışlarnı çağıldırır öçen başta milli internet gazetası belän rus telendäge gazeta arasında berdämlek buldırırğa kiräk tä bit.
XS
SM
MD
LG