Tatar Kongressınıñ yaña saylanğan başqarma komitetı (BK) 28 sentäberdä oyıştıru utırışı uzdıra...

Avgust urtalarında Qazandağı ber säyäsi küzätüçe “alda Kongress, Däwlät Şurasınıñ xälitkeç sessiäse, xalıq sanın isäpkä alu”, uquçılarıbızğa ber dä küñelsez bulmas, digän ide. Çınnan da, avgust azağında III Bötendönya tatar kongressı, anda qatnaşuçılarnıñ Rusiä prezidentı Vladimir Putin belän oçraşuı böten dönyağa şaw-gör kilde. III Kongressnıñ yomğaqları äle alda. Yaña saylanğan Başqarma komitet şuşı ay azağına oyıştıru utırışın bilgelägän. Anda räis urınbasarları häm Başqarma komitetnıñ idaräse wazifaları raslanaçaq. Başqarma komitetnıñ ğamäldäge xezmätkärläre kadr üzgäreşläre sizelmi, köndälek eşlär köndägeçä başqarıla, dilär. Töbäklärdän Kongress qararların, rezolyutsiälären cibärüne ütenep, möräcäğätlär kilä. Ämma-läkin, bu dokumentlar äle eşkärtüdä ikän.