Accessibility links

дүшәмбе, 5 декабрь 2016, Казан вакыты 21:53

... BK wäkilläre Çiläbedä Tatarstan könnärendä häm Qasıym şähäreneñ 850 yıllığı bäyrämendä qatnaşaçaq


... BK wäkilläre Çiläbedä Tatarstan könnärendä häm Qasıym şähäreneñ 850 yıllığı bäyrämendä qatnaşaçaq

Yaña saylanğan BK wäkilläre şuşı könnärdä Çiläbegä Tatarstan könnärendä qatnaşu öçen barırğa cıyına. Çiläbedä inde distä yıl çaması Çiläbe ölkäse tatarları kongressı ictimaği oyışması yäşäp kilsä dä, xäl itelmägän milli mäs'älälär bixisap, dielä İntertat.ru säxifäsendä. Bigräk tä tatar tele uqıtu probleması kisken tora. Milli mäğlümat çaraları da bik say. Tatar telendä näşer itelüçe “Duslıq” gazetası ayına ber genä tapqır çığa ikän. Monda tatar telendä radiotapşıru, ul da bulsa “Azatlıq” radiosı tapşıruları retranslyatsiäse bar. Çiläbedä Tatarstan könnäre 11 sentäberdä başlanıp kitäçäk. Başta Tatarstan iqtisadı kürgäzmäse eşli başlayaçaq. 13 sentäber könne Çiläbegä maxsus oçqıç belän Mintimer Şäymiev citäkçelegendä Tatarstan delegatsiäse kiläçäk. Tatarstan prezidentı Çiläbe ölkäse gubernatorı häm tatar ictimaği oyışmaları wäkilläre belän oçraşaçaq. Älbättä, zur mädäni programma da qaralğan.

Bötendönya tatar kongressınıñ yaña saylanğan başqarma komitetı wäkilläre şuşı könnärdä Ryazan ölkäsendäge Qasıym şähärenä säyäxättä dä qatnaşaçaq ikän. Bıyıl sentäberdä anıñ 850 yıllığı bilgeläp ütelä. Qazannan ber törkem zıyalılar Şaxgali şähäre Qasıymğa säyäxätkä cıyına, alarğa Mäskäwdän kilgän törkem dä quşılaçaq, dip xäbär itä Intertat.ru.
XS
SM
MD
LG