Accessibility links

пәнҗешәмбе, 8 декабрь 2016, Казан вакыты 01:07

Qışqa äzerlek başlandı


Qışqa äzerlek başlandı

Şul arada Tatarstan xaqimiätläre tözeleş, qışqa äzerlänü, urıp-ciyu barışı kebek mäs'älälär belän mäşgül. Qazan metro tözüçläre, matbuğat oçraşuın ütkärep, cir astı yullarınıñ işelü ixtimalı arqasında, qayber metro tözeleşeneñ başqa yünäleş aluı xaqında xäbär ittelär. Soñğı waqıtta matbuğatta yörgän metro tözeleşen tuqtatu turındağı süzlär raslanmadı. Bu eş tağın 20 yıl däwamında alıp barılırğa mömkin.

Komunal-toraq ministrlığı wäkilläre isä, qışqa äzerlänüläre xaqında xisap tottı. Äzerlek ul äle, cılılıq digän süz tügel. «Tatenergo»ğa mäsälän 2 mln. artıq aqça tülänep betmägän. “Burıçlar qaytarılmağan oyışmalarğa közge salqınnar waqıtında tuñarğa turı kiläçäk”, dip beldergän «Tatenergo» oyışması wäkile.

Ä Sverdlaw ölkäsendäge Tatarstan säwdä yortı citäkçelege xäbär itkänçä, ölkäneñ awıl xucalağı ministrlığı belän ütkärelgän söyläşülärdän soñ, respublikanıñ ütkän yıldan satılmıyça qalğan 1mln. artıq tonna ikmägen Sverdlawda saqlaw turında kileşengän. Tatarstanda ambarlar citmi ikän.
XS
SM
MD
LG