Accessibility links

дүшәмбе, 5 декабрь 2016, Казан вакыты 01:35

Qasım xanlığı başqalasına 850 yıl


Qasım xanlığı başqalasına 850 yıl

Şul uq waqıtta xalıq sanın alu mäsäläse dä onıtılmıy. Böten dönya tatar kongressı uzıp kitsä dä, Tatarstan xaqimiätläre çittä yäşäwçe millättäşlär yanına säyäxätlären däwam itä. Çiläbe cirendä Tatarstan könnäreneñ başlanuı xaqında xäbär itkän idek inde. Şuşı könnärdä Ryazan ölkäse, Qasım yaqlarına barırğa cienuçılar turında da mäğlüm buldı. Tarixtan bilgele, Qasım şähäre danlıqlı Qasım xanlığı belän bäyle. Bıyıl bu şähärgä nigez salınuğa 850 yıl tula, yäğni bu töbäk Mäskäw belän ber çorda tözelä başlağan. Anda tatar ezläre bulsa da, milli tormış yuq däräcäsendä. 17 meñgä yaqın Qasım şähäre xalqınıñ, 2 meñgä yaqını tatar digän mäğlümatebez bar. Ämmä anda milli oyışma da, matbuğat ta yuq. Xäberçelärebez şuşı yaqlarğa barıp, Qasım xanlığı warisları turında tulıraq mglümat citkerer. Ä älegä şular mäğlüm. Comğa 13 sentäber könne Tatarstan wäkilläre Ryazan ölkäseneñ Podlipki awılında tatarlar belän oçraşırğa ciena, annan soñ alar Qasım şähäreneñ yubiley çaralarında qatnaşaq. Şähär başlığı Qasımnıñ 850 yıllığına Mintimer Şäymievnı çaqırğan bulğan, läkin Tatarstan Prezidentı anda bara almayaçaq ikän. Şuña kürä respubliqa citäkçese Qasımğa anıñ wäkile itep cämäğät eşlekläre, artistlarğa barırğa täqdim itkän.

Bikä Timerova
XS
SM
MD
LG