Qızıl Şärıq citäkçesenä maqtaw qäğäze birelde

Şulay uq Qızıl Şärıq aksionerlıq cämğıäte general' direktorı Ayrat Xäyrullinnı Maqtaw gramotası belän büläkläw turında da prezident färmanı çıqtı. Häm bu oçraqlı ğına tügel. Respublika citäkçelege Qızıl Şärıq aksionerlıq cämğıäteneñ bigräk tä sıra citeşterü ölkäsendä eşçänlegen soñğı yıllarda xuplıy. Mäsälän, bıyıl da Tatarstan büdjetına sıra qıyuçılar 740 million rubl' salım tüläyäçäk. Şuña kürä Mintimer Şäymiev Qızıl Şärıq sıra qıyu zavodına barıp, andağı texnologik xikmätlär belän yaqınnan tanıştı, sıra zavodı qarşındağı mäydanda Qazannıñ täwge sıra qıyuçısı säwdägär İvan Aleksandrovqa häykäl açu tantanasında qatnaştı. Älege säwdägär monnan 110 yıl elek Qazanda sıra zavodı tözegän bulğan.