Accessibility links

дүшәмбе, 5 декабрь 2016, Казан вакыты 17:42

Apasta xalıq sanın aluğa äzerlek komissiäse utırışı uzdı


Apasta xalıq sanın aluğa äzerlek komissiäse utırışı uzdı

Tatar-inform agentlığı Apasta bötenrusiä xalıq sanın isäpkä aluğa äzerlek respublika komissiäseneñ küçmä utırışı turında xäbär itä. Küçmä utırışta qatnaşuçılar üzläreneñ çığışlarında respublika xalqı bu aksiägä nigezdä ışanıç belderä, ämma añlatu eşlären köçäytergä kiräk, digännär. Awıl xalqı, ğädättägeçä, däwlät, xökümät ütkärgän çaralarğa loyal' mönäsäbättä. İsäpkä alıp yörüçelärne öyenä qarşılıqsız kerter, tür başına utırtıp, çäyen quyıp, kiräkle sorawına da cawap birer. Töp problema şähär xalqı belän bulır, dip sanala. Çönki şähär xalqı xäzer timer işeklär artına biklänep yäşi. Ä inde maxsus isäpkä alu punktlarına keşene çaqırıp kiterü tağı da mäşäqätle. Annarı soñ xäzerge zaman problemaları da bar. Bomjlar, suqbaylar, dokumentsız keşelär, berqayada urnaşa almağan qaçaqlar küp. Şuña kürä Rusiädä xalıq sanın isäpkä alu öçen cawap birüçe çinovniklar bu aksiä özeläçäk, ägärdä xalıqnıñ 5% ğına da isäpkä alınmasa, anıñ näticäläre çüpkä dä tormayaçaq, dip panika kütärä. Küptän tügel monıñ xaqında xalıq sanan isäpkä alu ideologlarnıñ berse Valeriy Tişkov “Известия” gazetasına birgän intervyusında söyläde.
XS
SM
MD
LG