Accessibility links

пәнҗешәмбе, 8 декабрь 2016, Казан вакыты 09:06

Tatarstan xalqınıñ yartısı yaña pasport aldı


Tatarstan xalqınıñ yartısı yaña pasport aldı

Pasport-viza eşlären başqaruçı idarädä pänceşämbedä jurnalistlar öçen brifing uzdı. Anıñ töp teması pasport reforması häm bıyıl 1 yüldän ğämälgä kergän grajdanlıq qanunı ide.

Ber qarawğa bu ğadi eş Tatarstan cirlegendä üzençälekle bara. Mäs'älä şunda ki, Tatarstanda respublika simvolı quyılğan tatarça yazılğan östämä bitle pasportlar birelä. Olı yäştäge keşelär CCCP dip yazılğan uraq-çükeçle pasportlarınnan baş tartırğa telämilär. Qayberäwlär Tatarstan simvolı quyılğan östämä bitle pasporttan baş tartalar. Yänäse, andıy dokument belän Tatarstannan çittä eş yörtü qatlawlı. Tağın ber problema – möselman xatın-qızlarnıñ pasport öçen yawlıqsız fotoräsemgä töşergä telämäwe. Pasport-viza idaräse başlığı Galina Faxretdinova süzlärenä qarağanda, respublikada yäşäwçelärneñ 50% diärlek yaña pasportlarğa iä bulğan. Tatarça bitsez dokumentlarnı 54 meñ keşe alğan. Barlıq grajdannar da kiläse yılnıñ oktäberenä xätle yaña pasportlı bulırğa tieş. Şunnan soñ äkren qimıldawçılarnı ştraflar kötä.

Rusiä grajdanlığına kilgändä, ul ike watandaşlıqnı röxsät itmi. Yäğni, sin Rusiä grajdanı ikänseñ – başqa il grajdanı bula almıysıñ. Brifingta taratılğan press-relizda älege qanun Rusiäne vokzal, yä ütep yörelmäle işek aldı, yağni “проходной двор” kebek faydalanuğa kirtä quya dielä.
XS
SM
MD
LG