Accessibility links

шимбә, 10 декабрь 2016, Казан вакыты 11:58

Euro-2008 uyınnarı Qazanda ütergä mömkin


Euro-2008 uyınnarı Qazanda ütergä mömkin

Bu könnärdä Qazanda UEFA, yäğni Yevropa futbol berlegennän maxsus komissiä bulıp kitte. Belgeçlär başqalabıznıñ 2008 yılda bulaçaq futbol buyınça Yevropa çempionatınıñ uyınnarın uzdıru mömkinlegen tikşerde. Şähär häm respublika citäkçeläre qunaqlarğa ayırım xörmät kürsätep, Qazannıñ böten matur urınnarına alıp bırdılar, 1000-yılıqqa başqarılaçaq eşlär, sport qorılmaları belän tanıştırdılar. Ägär dä Rusiä, şul isäptän Qazan, Yevro-2008 uyınnarın uzdıru urını bulıp saylansa, bezneñ başqalabızğa 20 meñ keşe kiläçäk. Protokol buyınça UEFA wäkilläre üzläreneñ qararın aldan uq iğlan itmilär. Şuña da küräseñ, alar jurnalistlar belän oçraşudan baş tarttılar.

Süz uñayınnan, Qazannıñ “Rubin” futbol komandası Rusiä çempionatınıñ berençe divizionında berençe urında bara. 57 ball cıyğan “Rubin”nıñ yuğarı ligaga çığarğa böten mömkinlekläre bar.

Damir Ğismetdin
XS
SM
MD
LG