Yaña atna şaqtıy küñelsez waqiğa belän başlanıp kitte. Düşämbe könne “Kazjilgrajdanstroy” oyışmasınıñ citäkçese İldar Säxibullinnı Qazan milli-mädäni üzägendä soñğı yulğa ozattılar. Urta yäşlärdäge bu ir-yeget maşina qazasına oçrağan. Şunısı ğäcäp, ul jeep maşinasına utırıp Gor'ki şossesennän Qazannan çıqqan yuldağı küper bağanasına bärelep, xäläk bulğan. Näq şul urında april ayında SK zavodı direktorı Röstäm Bikmullin da üz maşinasında beton bağanağa bärelep xäläk bulğan ide. Qazan belän Mäskäw arasında ber ük taşlarğa suğılu faciğäläre nişläpter haman tuqtamıy.
“Azatlıq” radiosı öçen Qazannan Rimzil Wäli
“Azatlıq” radiosı öçen Qazannan Rimzil Wäli