Accessibility links

шимбә, 3 декабрь 2016, Казан вакыты 07:51

Bolğar Milli Kongerssı bar millätne “bolğar” dip yazılırğa çaqıra


Bolğar Milli Kongerssı bar millätne “bolğar” dip yazılırğa çaqıra

Mäskäwneñ Timer Dzerjinskiy häykälen urınına qaytarıp quyu turında cancal çığaruına Qazanda reaksiä yuq diärlek. Mäğlüm ki, Qazan üzägendä şul şäxes başlanğıçı belän qorılğan oyışma warisları utırğan ber üzäk uram äle dä Dzerjinskiy isemen yörtä. Lenin häykäle dä Qazannıñ üç töbendä, İrek mäydanında tora birä. Gärçä waqıt-waqıt cancal tarafdarları Lenin häykäle küçerelä, anıñ urınına yä rus yazuçısı Derjavin häykäle qaytaralaçaq, yä bulmasa tatar kompozitorı Salix Säydäşewqa häykäl quyılaçaq digän qotqı taratıp torsalar da.

“Известия” gazetasınıñ sişämbe sanında Dzerjinskiy häykälen qaytaruğa qarata kisken ber mäqälä çıqtı. Anda äle küptän tügel genä bez säyäsi riwayätlär, ideologik äkiätlär urınına çın tarixnı qaytaruğa ireşkän idek. Menä xäzer tagın yañadan şul ideologik äkiätlärne kire qaytaru taktikası küreneşläre bar digän fiker äytelä. Menä monısına sişämbe xäbärlärendä Qazanda da ber misal tabıla.

Tatar-inform agentlığı Bolğar milli kongressı säyäsi şurası bötenrusiä xalıq sanın alu aksiäsenä qarata möräcäğät qabul itte, dip xäbär itä. Anda böten millätne, anıñ härber wäkilen bolğarlar dip yazılırğa çaqırıla, dielä. Şulay uq älege möräcäğättä 1920 yılda bol'şeviklar Bolğar cirendä Bolğar xalqı öçen Tatarstan isemle respublika oyıştırdılar, dielä. Şulay uq, Tatarstan fännär akademiäseneñ tatar xalqınıñ Batıy mongollarınnan kilep çığu turıdağı versiäse yalğış dip atala häm bu ideyäneñ qaytawazın Çınğızxan digän kibetlär açıluda kürälär. Monı Mäskäwdä Adolf Hitler, ä Qazanda İvan Groznıy digän kibetlär açu belän genä çağıştırıp bulır ide dilär.
XS
SM
MD
LG