Accessibility links

дүшәмбе, 5 декабрь 2016, Казан вакыты 03:28

“Xalıq sanın isäpkä alu-2002” digän matbuğat üzäge eşli başladı… älegä urısça


“Xalıq sanın isäpkä alu-2002” digän matbuğat üzäge eşli başladı… älegä urısça

Sişämbe Tatar-inform agentlığı xäbärlärendä “Xalıq sanın isäpkä alu-2002” digän matbuğat üzäge eşkä kereşü turında xäbär bar. Anı respublikanıñ statistika komitetı oyıştırğan. Ul şul Qazannıñ Dzerjinskiy uramınıñ kürşese Yapeev uramı, 2 yortta urnaşqan. Älege xäbärdä kürsätelgän matbuğat üzägeneñ “qaynar telefon”ına çıltırattım. Bu “qaynar telefon”da ike däwlät telendä cawap birü kiläçäktä wäğda itelä. TİÜ aktivistları da xaqlı bulıp çığa. Anketadağı sorawlar ütä dä tomanlı. İmeş, sin üzeñne kem dip xis itäseñ, şulay yazasıñ. Äytik, ägär Parijğa säfärgä barıp, fransuzlarğa ğaşıyq bulıp qaytqansıñ ikän, räxim it, fransuz dip yaz. Ägär näseleñ bolğar babaylardan uq kilä dip töş kürsäñ, bolğar dip yazılasıñ. Menä şulay, bik citdi problemalar quyğan aksiädä nigäder näq menä millätkä, ana telenä qağılışlı mäs'älälär bik ciñelçä quyıla nigäder.
XS
SM
MD
LG