Accessibility links

пәнҗешәмбе, 8 декабрь 2016, Казан вакыты 03:19

Ägerce rayonı başlığı Räfis Säitovnı üterüdä ğäyeplänüçelär totqarlandı


Ägerce rayonı başlığı Räfis Säitovnı üterüdä ğäyeplänüçelär totqarlandı

Tatarstanda küplärne teträndergän Ägerce rayonı xaqimiät başlığı Räfis Säitovnıñ üterelüe turında sezgä işettergän idek inde. İsegezgä töşerep ütik, Räfis Säitov 31 avgust tönendä Respublika könen bäyräm itüdä qatnaşıp Qazannan Ägercegä qaytqanda, üz öe yanında atıp üterelgän ide. Militsiä xezmätkärläre süzlärenä qarağanda, şuşı könnärdä Räfis Säitovnı üterüdä ğäyeple ike keşe totqarlanğan. Alar ikese dä İjau şähärennän ikän. Üterüçelärdän tış, şuşı cinayätneñ zakazçısı da açıqlanğan. Respublikanıñ Eçke eşlär ministrlığı wäkile äytüençä, İjau cinayätçel törkemnäre üzläreneñ qarañğı eşlären Tatarstannıñ Ägerce rayonında eşlämäkçe bulğannar ikän. Şunıñ öçen alarğa qomaçawlağan rayon başlığın üterergä qarar qılğannar häm 31 avgust tönendä üz niätlären çınğa da aşırğannar. Şunısın da äytep ütärgä kiräk, Tatarstanstanda şuşı däräcädäge xaqimiät wäkileneñ bu berençe üterelüe ide.

“Azatlıq” radiosı öçen Tatarstan yañalıqları belän Qazannan Gölnaz İlgizär
XS
SM
MD
LG