Accessibility links

якшәмбе, 11 декабрь 2016, Казан вакыты 11:11

Alabuğada keçe şähärlärgä bağışlanğan bötenrusiä kiñäşmäse açıldı


Alabuğada keçe şähärlärgä bağışlanğan bötenrusiä kiñäşmäse açıldı

19 sentäber – Xalıqara tınıçlıq könendä Tatarstandağı waqiğalar barısı da ğädäti ağımdağı tormış belän bäyle. Alabuğada Rusiäneñ keçe şähärläre problemalarına bağışlanğan bötenrusiä kiñäşmäse bara. Anda Rusiä Federal' Cıyılışınıñ ike palatasınıñ da wäkilläre, Rusiäneñ keçe şähärlär berlege citäkçelege, şulay uq Rusiä töbäklärennän, cirle üzidarä komitet citäkçeläre, ğalimnär häm belgeçlär qatnaşa. Kiñäşmädä Däwlät Şurası räise Färit Möxämmätşin citäkçelegendä Tatarstannıñ zur delegatsiäse qatnaşa. Färit Möxämmätşin sotsial'-iqtisadi reformalarnıñ Tatarstan modele turında çığış yasıy.

Mondıy zur kiñäşmä ütkärü öçen Alabuğa saylanuı oçraqlı tügel. Biredä 4 yılğa isäplängän maxsus sotsial'-iqtisadi üseş programması tormışqa aşırıla. Alabuğa “Rusiäneñ keçe häm urta şähärlären torğızu” digän federal' programmağa da kertelgän. Kiñäşmädä qatnaşuçılar öçen Alabuğada tarixi urınnar qızıqlı bulır. Rässam Şişkin muzee, şağirä Zvetaeva yäşägän yort, anıñ qäbere - boları yaña tarix. Alabuğa yanında X-XI ğasırlarğa turı kilgän borıñğı şähär cimerekläre bar. Küptän tügel Fännär akademiäseneñ Tarix institutı Ğilmi şurası arxeologik ezlänülär, tarixi mäğlümätlärgä nigezlänep, Alabuğa şähäre XI ğasırnıñ berençe 10 yıllığında barlıqqa kilgän digän näticä yasadı. Şulay itep, Alabuğa Qazannan azğa ğına qalışıp, 1000-yıllığın bilgeläp ütärgä cıyına.
XS
SM
MD
LG