Accessibility links

пәнҗешәмбе, 8 декабрь 2016, Казан вакыты 01:26

Däwlät statistika komitetı xalıq sanın isäpkä alu qağidaläre belän tanıştırdı


Däwlät statistika komitetı xalıq sanın isäpkä alu qağidaläre belän tanıştırdı

Respublikanıñ däwlät statistika komitetı pänceşämbe könne Bötenrusiä xalıq sanın isäpkä aluğa bağışlanğan brifing ütkärde. Anda tağın ber tapqır älege aksiäneñ unikallege, möximlege turında äytelde. Tatarstanda bu aksiädä 15 meñ keşe qatnaşa, yağni isäpkä alıp yörüçelär, mäğlümätlärne eşkärtüçelär. Brifingta şulay uq anketalarnı döres, çınbarlıqqa turı kiterep tutıruda isäpkä aluçılarnıñ cawaplılığı häm anketada kiterelgän mäğlümätlärneñ konfidensiallegen tä'min itü azsızıqlap äytelde. Bu çarada Tatarstan xalıqnıñ 95% qatnaşır, dip kötelä.

Äytergä kiräk, xalıq sanın isäpkä alunıñ texnik yağı, yäğni qäğäzlär tutıruı da şaqtıy qatlawlı. Xalıq sanın isäpkä aluçı här fatirda, här yortta kim digändä, dürt törle anketa tutıraçaq. Anıñ berençesendä fatirda, yortta yäşäwçelärneñ isemlege, ikençese – toraq şartları, öçençese – här ğailä äğzasına tutırıla häm dürtençese saylap alıp soraşıluçılarnıñ ¼ öleşenä genä birelä. Monısı keşeneñ iqtisadi xälenä, yäğni qayda eşläwe, närsägä yäşäwenä qağıla. Här anketanıñ axırına “konfidensial'” dip yazıp quyılğan. Yäğni birgän mäğlümatnı isäpkä aluçı ser itep qaldırırğa garantiä birä. Keşeneñ tärcemäi xälenä qağılışlı sorawlar “K” digän anketada birelä. 7-nçe itep “Ваша национальная принадлежность'” digän soraw quyılğan. Häm cäyälär eçendä “по самоопределению опрашиваемого”, yäğni “soraluçınıñ üzbilgelänüwençä” dielgän.

Telgä qağılışlı soraw da näq menä BTİÜ kisätkänçä, çetrekle häm butalçıq itep quyılğan. 9-nçı soraw “владение языками” dip atala. Häm şunnan çıqqan sorawnıñ berençese “владеете ли Вы русским языком?”, annan soñ ğına “какими иными языками Вы владеете?” digän soraw quyıla. Tatarlarnıñ 100% bulmasa da, barısı da diärlek ipi-tozlıq rusça belülären isäpkä alsaq, “владеете ли Вы русским языком?” digän punktqa Tatarstandağı küpme xalıqnıñ niçek cawap biräse açıq. Ä annarı inde küpme xalıqnıñ russkoyazıyçnıy, yäğni urıs tellegä äylänäse dä kürenep tora.

BTİÜneñ xalıq sanın isäpkä aludağı şuşı çetrekle mäsälälärgä qarata möräcäğätenä räsmi strukturalardan bernindi dä reaksiä yuq.
XS
SM
MD
LG