Accessibility links

чәршәмбе, 7 декабрь 2016, Казан вакыты 17:35

Qazan Xäter könenä äzerlänä


Qazan Xäter könenä äzerlänä

Pänceşämbe könne kiç belän TİÜdä Xäter köne ütkärü oyıştıru komitetı utırışı buldı. Anda tağın Xäter köne ütkärü datası täğäyenlänä. Moña xätle bıyılğı Xäter köneneñ zurlap ütkärelüen iskä alıp, anı 13 oktäber, şimbä könne ütkärergä niätlilär, digän xäbär taratılğan ide.

Şuşı könnärdä qayber mäğlümat çaralarında 1552 yılda Qazannı saqlağanda şaxit kitüçelär häykäleneñ urını häm qıäfäte täğäyenlände, digän xäbär taratıldı. Ul Qazan Kremleneñ Qol-Şärif mäçete yanındağı taw bitendä urnaştırılaçaq häm piramida räweşendä bulaçaq. Xäzer şul Yärminkä mäydanı digän yaña mäydanğa qarağan taw bite tağın ber tapqır tözekländerelä, anda Mäskäwdän alıp qaytıp, maxsus çiräm käsläre yabalar.

Qol-Şärif mäçetendä dä bizäw-cihazlaw eşläre tizläşte. Şuşı könnärdä anda 2000 kvadrat metr farsı kelämnäre cäyeläçäk. Tatar-inform agentlığı 18 sentäberdä Mäskäwdä İslam Respublikası İran ilçelegendä İran xökümäteneñ bülägen şuşı Qol-Şärif mäçete öçen täğäyenlängän kelämnärne tapşıru tantanası buldı, dip xäbär itte.

Cırçı Salawat Fätxetdinovnıñ bu könnärdä tübäse kükkä tiä, dilär. Anıñ ğailäsendä öçençe bala, ir-bala tuğan. İmeş, Salawat bigräktä “xalıq sanın alu aksiäsenä ölgerdem” dip şatlana ikän.

Yunıs Ätnäle
XS
SM
MD
LG