Accessibility links

Кайнар хәбәр

Tatarstanda Xisap palatası oyıştırıla


Tatarstanda Xisap palatası oyıştırıla

Däwlät Şurasınıñ finans-büdjet komissiäse “Tatarstan Respublikası Xisap palatası” digän qanunnı tikşerde häm anı xuplap, berençe uqılışta qaraw öçen parlamentnıñ plenar sessiäsenä kertte.

Bu proektnı Däwlät Şurasına prezident Mintimer Şäymiev kertkän ide. Xisap palatası parlament kontrole komissiäsen almaştıraçaq. Häm ul üzeneñ mäsälälären tikşergändä bäysez bulırğa tieş. Xisap palatası büdjet aqçalarınıñ äyläneşe, xökümät tarafınnan alınğan kreditlarnı faydalanu kebek citdi mäsälälärne küzätü astına alaçaq. Mäğlüm ki, kontrol' komissiäse yış qına nıq kizänä, läkin yomşaq suğa ide. Näticädä, büdjet aqçasına tipterergä, räxät yäşärgä yaratqan türälär şeltä belän genä qotıla ide. Yaña palata, bälkem, bu mäsälädä qırısraq eşlär. Bu oyışmada räis, ike urınbasar häm altı auditor eşläyäçäk ikän. Alar deputat bulıp saylana almıylar.

Damir Ğismetdin
XS
SM
MD
LG