Accessibility links

чәршәмбе, 7 декабрь 2016, Казан вакыты 19:28

Räsmi xäbärlärdä Başqortostanda Tatarstannan kilgän sänğät kollektivlarına, ğilmi ekspeditsiälärgä tıyular, çikläwlär quyu raslana


Räsmi xäbärlärdä Başqortostanda Tatarstannan kilgän sänğät kollektivlarına, ğilmi ekspeditsiälärgä tıyular, çikläwlär quyu raslana

Räsmi xäbärlärdä, şulay uq, Başqortostan räsmi dairäläerneñ Tatarstanğa qarata qırıslanuına, xätta Başqortostan xakimiäte tarafınnan berniqädär tıyu, qısrıqlaw çaraları kürelüenä dä dällilär, faktlar kiterelä. Tatar-inform agentlığı inde “Azatlıq” radiosı aşa yañğırağan ber yämsez küreneş: Başqortostanğa gastrol'lärgä çıqqan Tatarstannıñ Däwlät Cır häm biyü ansamblen Oktyabrskidan borıp qaytaruları turında räsmi xäbär birä. Şunısı qızıq, xäbärneñ rusçası “Ансамбль Татарстана выдворили из Башкирии”, yäğni “Tatarstan ansamblen Başqortostannan sörep çığardılar” dip atalsa, xäbärneñ tatarçası “Tatarstan ansamblen Başqortostanğa kertmädelär” digän baş astında birelä. www.intertat.ru älege temağa tağın östämä mäğlümatlar kiterä. “Başqortostanda başbaştaqlıq däwam itä” digän bu xäbär bolay başlana. “Qazandağı xalıq icatın öyränüçe üzäk başta Çaqmağış, Yañaul, Dürtile, Boray rayonnarında fol'klor ürnäklären ciyarğa tieş bulğan. Ğadäti häm yış uza torğan tikşerenülär. Iqnıñ tege yağınnan küpme cır häm mäzäk Qazanğa qayttı ikän? Ämma bu yulı rayonnarda ekspeditsiä uzdıru mömkinlege bulmağan. Törkem Büzdäk rayonına ütep kersä dä rayon xakimiäte başlığı ğalimnärneñ tizräk küz uñınnan yuğaluın sorağan. Çönki Ufadan, Prezident Apparatınnan kürsätmä alınğan: tatar telle bernindi dä tikşerenü yäki estrada törkemnären kertmäskä”. Sitata tämam.
XS
SM
MD
LG