Accessibility links

җомга, 9 декабрь 2016, Казан вакыты 03:06

Parlament sessiäse 2-nçe üktäbrdä däwam itäçäk


Parlament sessiäse 2-nçe üktäbrdä däwam itäçäk

Tatarstan parlamentınıñ 13-nçe sessiäse üz eşen 2 üktäbrdä däwam itäçäk. Kön tärtibendä äle qaralmağan 14 mäs’älägä Däwlät Sovetı prezidiumı tağın 33-ne östäde.

Nigezdä bolar federal' zakon proektlarına, şul isäptän, törle töbäk parlamentlarınıñ zakonnarına täqdim itügä bäyle. Mäğlüm ki, Rusiäneñ Däwlät Duması zakon proyektların qarawnıñ yaña tärtiben qabul itte. Üzäk häm federatsiä subyektlarınıñ urtaq wäkälätlärenä qağılışlı här proyektqa qarata cirle parlamentlar üzläreneñ fikerlären belderergä tieş.

2002 yılnıñ 6 noyäbrendä Tatarstan Respublikası Konstitutsiäsen qabul itkügä 10 yıl tula. Prezidium, älege datanıñ däwlätküläm zur ähämiätkä iä buluın isäpkä alıp, töp zakonnıñ un yıllığın kiñ bilgeläp uzarğa qarar qıldı.

Küräseñ, xalıq deputatları oşbu dokumentnı qabul itkändä Tatarstan parlamentınıñ Mäskäwdäge töp kontrolerı prokuror Aleksandr Zvyaginsevnıñ Konstitutsiä yubileyına sürpriz äzerläp quyuın belmägännär. «İnterfax» xäbärlärennän kürengänçä, Zvyaginsev 26 sentäbrdä Tatarstan Yuğarı mäxkämäsenä respublika Konstitutsiäseneñ 50-dän artıq matdäse federal' Konstitutsiänekenä täñgäl kilmäwen iskärtep ğariza yullağan.

Comğa könne Qazanda dönya kürgän urıs telle gazetlar bu xaqta yazıp ta çıqtılar. «Вечерняя Казань» gazetı xäbär itkänçä, Tatarstan Yuğarı mäxkämäsendä älege dokumentnı almağannar.

Östäp şunı äytik: ğariza bügen bulmasa, irtägä kilep citär. Ğädättä, andıy käğäzlär yuğalmıy häm Tatarstan Femidası, teläsä-telämäsä dä, anı tikşerergä tieş bula. Ä inde Konstitutsiä yubileyın bäyräm itügä kilsäk - ul bulır. Mäs'älä tik şunda, töp qanunnıñ qaysı şäkelen iskä alırbız? Xalıq tarafınnan zur söyeneç belän qabul itelgän 1992 yılğısınmı, ällä Mäskäw prokurorları yardäme belän yolqınğan soñğı variantınmı?
XS
SM
MD
LG