Accessibility links

пәнҗешәмбе, 8 декабрь 2016, Казан вакыты 03:13

San-Francisco yaqlarında millättäşlärebez Cünäyt Çapanoglı tuğan könen bäyräm itä


San-Francisco yaqlarında millättäşlärebez Cünäyt Çapanoglı tuğan könen bäyräm itä

Bügen yıraq Amerikada, San-Francisco yaqlarında millättäşlärebez Cünäyt Çapanoglı tuğan könen bäyräm itä. Ber qaraşqa, ällä nindi zur waqiğa da tügel, läkin Cünäyt äfändene yaxşı belgän Qazandağı dusları bu könne anıñ şäräfenä, hiçşiksez, berär bokal şampan şäräbe kütärerlär.

Eş şunda ki, zamanında Cünäyt Çapanoglı änise Ömitcihan xanım belän Qazanğa «Watan» cämğıäte çaqıruı belän berniçä tapqır kildelär. Biredä küp duslar taptılar, aralaşıp tordılar. Berniçä yıl elek Cünäyt Qazanda üz parın – gimnaziä uqıtuçısı Diläräne taptı häm alar biredä öyläneştelär, Qazan milli-mädäniät üzägendä matur tuy mäclese uzdırdılar.

Bäxet östenä bäxet digändäy, küptän tügel Amerikadan tağın ber söyeneçle xäbär kilep ireşte. Çapanoglılarnıñ ğailäsendä ike igezäk bala Ömitcihan häm Nuri dönyağa kilgännär. Küp yıllar üz bäxeten ezlägän häm, nihayät, tapqan milläteşebez qayber aşığıp öylänüçe yäşlärgä ürnäk bulsın ide. Öylänü - söylänü tuğel, üz millät keşesen, söygän yarıñnı qayçaq ozaq ezlärgä dä, sabır itep kötärgä dä turı kilä.
XS
SM
MD
LG