Accessibility links

шимбә, 3 декабрь 2016, Казан вакыты 16:48

Tatar klassik dramaturgı Kärim Tinçurin tuuına 115 yıl tuldı


Tatar klassik dramaturgı Kärim Tinçurin tuuına 115 yıl tuldı

Bu könnärdä kiñ cämäğätçelek tatar klassik dramaturgiäseneñ kürenekle wäkile Kärim Tinçurin tuuına 115 yıl tulunı bilgeläp ütä. Şul uñaydan comğa könne Sälix Säydäşev muzeyında ädäbi-muzıkal' kiçä ütte. Biredä Qazan teatr uçilişçesı, pedagogiä universitetı studentları, tanılğan cırçılarıbız Miñğol Ğäliev häm Aydar Fäyzraxmanov şäkertläre başqaruında Kärim Tinçurinnıñ «Zäñgär şäl», «Qandır buyı» spektakllärennän özeklär kürsätelde, cırlar, ariälär başqarıldı.

Şulay uq milli muzey fondlarınnan häm yazuçı Rabit Batullanıñ şäxsi kolleksiäsenän Kärim Tinçurinnıñ fotoları häm qulyazmaları urın alğan kürgäzmä eşliäçäk.

İkençe ber kürkäm çara comğa kiç Gabdulla Tuqay muzeyında uzdı. Anda böyek şağirebez üz şiğerlären bağışlağan Zäytünä Mäwlüdova-Räsülovağa, anıñ ulı Atilla Rasixqa bağışlanğan kürgäzmä açıldı. Şağir mäxäbbäte turında qäläm ostazları söylädälär. Cırçı Emil Cäläletdinov Tuqay süzläränä yazğan cırlarnı başqardı.
XS
SM
MD
LG